Back صوفيا يسوع المسيح Arabic Sofia de Jesucrist Catalan Sophia Jesu Christi German Η Σοφία του Ιησού Χριστού Greek Sophia of Jesus Christ English Saĝo de Jesuo Kristo Esperanto Sofía de Jesucristo Spanish Jeesuksen Kristuksen viisaus Finnish Sagesse de Jésus-Christ French Sajès Jezikri HT
| Wystheid fan Jezus Kristus | ||
| algemiene gegevens | ||
| auteur | anonimus | |
| taal | Aldgryksk | |
| foarm | non-fiksje | |
| sjenre | religiosa | |
| skreaun | <3e iuw | |
De Wysheid fan Jezus Kristus is in algemien as apokryf beskôge kristlike religieuze tekst, besibbe oan it Nije Testamint fan 'e Bibel. It is in gnostysk geskrift, dat yn desimber 1945 fûn waard troch twa boeren by it Egyptyske Nag Hammady, dêr't it mei in stikmannich oare gnostyske teksten, wêrûnder it folle bekendere Evangeelje fan Tomas, yn in krûk bedobbe lei. De Wysheid fan Jezus Kristus is oerlevere yn 'e foarm fan in Koptysk manuskript út 'e fjirde iuw, oanfolle troch in stikmannich Gryksktalige fragminten út 'e trêde iuw, dy't in eardere datearring ymplisearje. De tekst komt sterk oerien mei dy fan it Brief fan Eugnostos, dat ek diel útmakke fan 'e fynst by Nag Hammady, mar dan yn in kristlik ramt pleatst en justjes útwreide. De Wystheid fan Jezus Kristus moat net betize wurde mei de Wysheid fan Jezus Sirach, wat in hiel oare apokrife tekst is, dy't besibbe is oan it Alde Testamint fan 'e Bibel.