Back Airbus A318 Afrikaans إيرباص إيه 318 Arabic Еърбъс А318 Bulgarian এয়ারবাস এ৩১৮ Bengali/Bangla Airbus A318 Catalan Airbus A320#A318 Czech Airbus-A320-Familie#A318 German Airbus A318 English Airbus A318 Esperanto Airbus A318 Spanish
| Airbus A318 | |
|---|---|
 A318 de Air France | |
| Tipo | pasaxeiros |
| Fabricante | Airbus |
| Primeiro voo | 15 de xaneiro do 2002 |
| Introducido | outubro do 2003 |
| Estado | en servizo |
| Principais usuarios | Air France TAROM |
| Produción | 2001 - 2013 |
| Unidades construídas | 80[1] |
O Airbus A318 é un avión civil de pasaxeiros de Airbus, o consorcio europeo de fabricación de aeronaves. É o membro máis pequeno da familia do A320, polo que ás veces é chamado o Mini-Airbus. Durante o desenvolvemento foi coñecido como A319M3, o que indica que é un derivado do A319 pero con 3 seccións de fuselaxe menos. A aeronave é 6 metros máis curta e 14 toneladas máis lixeira que o seu predecesor. A súa menos lonxitude fai que precise dun estabilizador vertical 81 centímetros máis longo que os do resto dos modelos da familia A320.
O A318 pode levar 109 pasaxeiros nunha configuración de 2 clases. Creouse para substituír os vellos DC-9, o Fokker 100 e os primeiros modelos do Boeing 737, así como competir cos actuais 737-600 e 717.
O A318 está dispoñible en varias versións con diferentes pesos máximos na engalaxe (entre 59 e 68 toneladas) e alcances (2 750 km a 6 000 km), o que lle permite operar rutas rexionais economicamente sacrificando o alcance, ou complementar aos outros membros maiores da familia en rutas de medio alcance de escasa densidade. Aínda que debido ao seu menor peso pode realizar rutas que o A320 non pode, as compañías úsano principalmente para rutas curtas entre cidades de medio tamaño.
Durante o proceso de deseño do avión, Airbus tropezou con diversos problemas. O maior sen dúbida foi a diminución da demanda de novas aeronaves despois dos atentados do 11 de setembro de 2001. Outro foi o deseño dos motores turboventilador de Pratt & Whitney PW6000, que debían propulsar á aeronave; queimaban máis combustible do previsto tendo que ser redeseñados, polo que tivo que usar un de CFMI (o CFM56-5) ao principio, ata que a versión de Pratt & Whitney fosa optimizada e estivese lista. Actualmente hai versións con ámbolos dous motores.
- ↑ "Orders and deliveries". Airbus (en inglés). 2021-06-16. Consultado o 2024-05-14.