Cruz de Santiago

A Cruz de Santiago é unha cruz latina de goles que simula unha espada, cos brazos rematados en flor de lis e unha panela na empuñadura. Dise que a súa forma ten a súa orixe na época das cruzadas, cando os cabaleiros levaban pequenas cruces coa parte inferior afiada para cravalas no chan e realizar as súas devocións diarias..^[1]

As tres flores de lis representan a honra sen mancha, que fai referencia aos trazos morais do carácter do Apóstolo Santiago.^[2]

A espada representa o carácter cabaleiresco do apóstolo Santiago e a súa forma de martirio, xa que foi decapitado cunha espada. Tamén pode simbolizar, en certo sentido, tomar a espada no nome de Cristo.

1. ↑ "Cross Fitchy" (en inglés). Arquivado dende o orixinal o 30 de abril de 2008. Consultado o 17 de outubro de 2019. 
2. ↑ "El apóstol Santiago y el mundo hispano". www.filosofia.org (en castelán). Consultado o 17 de outubro de 2019.