Lingua galesa

Galés Cymraeg
Pronuncia:	/kəmˈrɑːɨɡ/, /ə ɡəmˈrɑːɨɡ/
Outros nomes:	y Gymraeg
Falado en:	Reino Unido, Arxentina, Estados Unidos, Canadá
Rexións:	Gales
Total de falantes:	700.000 (aprox.)
Posición:	Non entre as cen máis faladas
Familia:	Indoeuropea  Céltica   Britónico    Galés
Status oficial
Lingua oficial de:	País de Gales (Reino Unido)
Códigos de lingua
ISO 639-1:	cy
ISO 639-2:	wel
ISO 639-3:	cym
SIL:	WLS
Mapa
Status
O galés está clasificado como "vulnerable" polo Libro Vermello das Linguas Ameazadas da UNESCO[1]

A lingua galesa ou galés (Cymraeg ou y Gymraeg en galés, pronunciado /kəmˈrɑːɨɡ/, /ə ɡəmˈrɑːɨɡ/), é a lingua falada polo pobo galés, que é membro da póla britónica das linguas célticas falada en Gales (Cymru), en Inglaterra, nalgúns sitios preto da fronteira galesa, e na colonia de inmigrantes galeses no val de Chubut, na Patagonia arxentina.

Hai tamén falantes de galés ao redor do mundo, especialmente no resto da Gran Bretaña, os Estados Unidos, o Canadá, a Arxentina e Australia.

Debido ao crecente uso do inglés, o número de falantes de galés ten ido descendendo desde hai décadas. Con todo, de resultas dun número de medidas, entre elas a introdución da Acta da lingua galesa de 1993, o galés vén gozando dun forte rexurdimento nos últimos anos e ten un status de igualdade co inglés no sector público en Gales. É a lingua céltica máis falada.

Ver lingua inglesa de Gales en relación coa lingua inglesa tal e como se fala en Gales.

1. ↑ Moseley, Christopher e Nicolas, Alexandre. "Atlas of the world's languages in danger". unesdoc.unesco.org. Consultado o 11 de xullo de 2022.