Back Џьексон, Маикл Abkhazian Michael Jackson ACE Майкл Джексон ADY Michael Jackson Afrikaans Michael Jackson ALS ማይክል ጃክሰን Amharic Michael Jackson AN Michael Jackson ANG مايكل جاكسون Arabic ܡܐܝܟܠ ܓܟܣܘܢ ARC
Michael Joseph Jackson,[1] nado o 29 de agosto de 1958 en Gary, Indiana, e finado o 25 de xuño de 2009 nos Ánxeles,[2] foi un cantautor, produtor, músico, actor e bailarín estadounidense. Alcumado coma o "Rei do Pop",[3][4] a súa contribución á música, ó baile, á moda, xunto coa súa publicitada vida persoal, fixeron del unha figura da cultura popular durante catro décadas.
O oitavo fillo da familia Jackson, debutou na música profesional a carón dos seus irmáns como membro dos Jackson 5 en 1968, e comezou a súa carreira en solitario en 1971. A comezos dos anos 1980, Jackson converteuse na figura dominante da música popular. Os vídeos musicais das súas cancións, como "Beat It", "Billie Jean", e "Thriller", considéranse rompedores das barreiras raciais e transformadores do medio nunha arte e nunha ferramenta de promoción. A popularidade deses vídeos axudou a elevar á fama a MTV, daquela unha canle relativamente nova. Con vídeos como "Black or White" e "Scream", continuou a innovar no medio ó longo da década de 1990, ademais de forxarse unha reputación como artista das xiras mundiais. A través das actuacións nos escenarios e nos vídeos, Jackson popularizou unha morea de complicadas técnicas de baile, como o robot e o moonwalk, ós cales el deu nome. O seu distintivo son e estilo influíron en numerosos artistas de hip hop, post-disco, R&B contemporáneo, pop e rock.
O álbum de Jackson Thriller (1982) é o álbum máis vendido de tódolos tempos. Os seus outros álbums, como Off the Wall (1979), Bad (1987), Dangerous (1991) e HIStory (1995), tamén están entre os máis vendidos do mundo. Jackson é un dos poucos artistas que foi honrado no Salón da Fama do Rock por dúas veces. Algúns dos seus outros logros son varios Récords Guinness do Mundo, 13 Premios Grammy, un Grammy Legend e un Grammy á carreira artística; 26 American Music Awards, máis que ningún outro artista, incluídos o de "Artista do Século" e "Artista dos anos 1980"; 13 números un nos Estados Unidos na súa carreira en solitario, máis que calquera outro artista masculino na era dos Hot 100; e máis de 400 millóns de discos vendidos por todo o mundo.[5][6][7][Note 1] Jackson gañou centos de premios, o que o converteu no artista máis galardoado da historia da música popular.[8] O 29 de agosto de 2010, no que sería o seu aniversario número 52, converteuse postumamente no artista máis descargado da historia da Nokia Music Store.[9][10] Coñecido pola súa labor filantrópica, Jackson viaxou constantemente arredor do mundo polas súas campañas humanitarias, e o Libro dos Récords de 2000 recoñeceuno polas súas 39 actividades caritativas.[11]
Aspectos da vida persoal de Jackson, como a súa aparencia cambiante, relacións sentimentais e comportamento, xeraron moita controversia. A mediados dos anos 1990, foi acusado de abusos sexuais a menores, mais o caso resolveuse fóra dos tribunais co pago de 25 millóns de dólares e non se chegaron a presentar cargos formais.[12] No 2005, foi xulgado por máis alegacións de abusos sexuais e outros cargos, dos cales o xurado atopou inocente. Mentres se preparaba para o seu regreso nunha serie de concertos chamada This Is It, Jackson morreu o 25 de xuño de 2009 por mor dunha parada cardiorrespiratoria logo dunha intoxicación aguda de propofol e benzodiacepina. O Departamento Forense do Condado dos Ánxeles declarou a súa morte como un homicidio, e o seu médico persoal, Conrad Murray, foi condenado por homicidio involuntario. A morte de Jackson desencadeou unha resposta global e a retransmisión en directo do seu funeral foi vista arredor de todo o mundo.[13]
Jackson converteuse no primeiro artista en ter un sinxelo no Top Ten da Billboard Top 100 en cinco décadas diferentes cando Love Never Felt So Good acadou o número 9 o 21 de maio de 2014.[14]
- ↑ Departamento de Saúde do Condado dos Ánxeles. (2009). Certificado de morte de Michael Jackson.
- ↑ "Biography.com". Consultado o 2 de febreiro de 2014.
- ↑ Browne, David (29 de novembro de 1991). "Michael Jackson's Black or White Blues". Entertainment Weekly. Arquivado dende o orixinal o 06 de outubro de 2014. Consultado o 3 de xullo de 2013.
[A] highly placed source at MTV says the network was obligated to refer to Jackson on air as the King of Pop in order to be allowed to show "Black or White."
- ↑ "Leva a coroa como Rei do Pop porque ningún artista foi quen de superar o seu récord de vender preto de 60 millóns de copias dun único álbum (Thriller)", en (Lewis 2005, p. 3)
- ↑ Lara, David (12 de maio de 2012). "Michael Jackson's 'Bad' Gets a Revamp and More Inflated Sales!". Impre (ImpreMedia). Arquivado dende o orixinal o 03 de xullo de 2014. Consultado o 17 de xaneiro de 2013.
- ↑ "Michael Jackson verklagt Auktionshaus". N24 (en alemán). 5 de marzo de 2009. Consultado o 10 de xaneiro de 2013.
- ↑ "Ansturm auf Tickets für Michael Jackson-Konzerte". Kleine Zeitung (en alemán) (Austria). 8 de marzo de 2009. Arquivado dende o orixinal o 16 de outubro de 2013. Consultado o 10 de xaneiro de 2013.
- ↑ Lewis, Monica (14 de xuño de 2007). "20 People Who Changed Black Music: Michael Jackson, the Child Star-Turned-Adult Enigma". Miami Herald. Consultado o 16 de marzo de 2013.
- ↑ "Michael Jackson tops global download sales list". NME. 30 de agosto de 2010. Consultado o 16 de agosto de 2013.
- ↑ "Michael Jackson Is Most Downloaded Artist Of All Time". MTV UK. 29 de agosto de 2010. Arquivado dende o orixinal o 15 de xaneiro de 2012. Consultado o 16 de marzo de 2013.
- ↑ Orth, Maureen (abril de 2003). "Losing His Grip". Vanity Fair. Consultado o 17 de marzo de 2013.
- ↑ Mankiewicz, Josh (3 de setembro de 2004). "New details about 1993 Jackson case". NBC News. Consultado o 13 de decembro de 2012.
- ↑ "Hazarika's funeral creates world record". MSN. 28 de xullo de 2009. Arquivado dende o orixinal o 07 de agosto de 2014. Consultado o 23 de maio de 2014.
- ↑ Trust, Gary. "Michael Jackson, Coldplay Hit Hot 100's Top 10; John Legend Still No. 1". Billboard. Consultado o 23 de maio de 2014.
