Mosasauridae

Mosasauridae Rango fósil: Cretáceo Superior
Reconstrución moderna de Platecarpus tympaniticus amosando a súa aleta caudal de media lúa.
Clasificación científica
Reino: Animalia Filo: Chordata Clase: Sauropsida Subclase: Diapsida Orde: Squamata Suborde: Lacertilia Familia: Mosasauridae† Gervais, 1853
Subfamilias
†Aigialosauridae †Mosasauridae Gervais, 1853 †Halisaurinae †Natantia Owen, 1851 †Mosasaurinae †Russellosaurina †Carsosaurus †Haasiasaurus †Komensaurus †Plioplatecarpinae †Tethysaurinae †Tylosaurinae †Yaguarasaurinae

Os mosasauros (Mosasauridae, do latín "Mosa" que significa «río Mosa», e o grego sauros que significa «lagarto»— son unha familia de grandes lagartos acuáticos extintos. Os primeiros restos fósiles foron descubertos nunha canteira calcaria en Maastricht, sobre as marxes do Mosa, en 1764, e de alí o nome. Os mosasauros hoxe día son considerados parentes próximos das serpes, debido a que as análises cladísticas que se realizaron, acharon similitudes na anatomía do cranio e as mandíbulas.^[1] Os mosasauros eran membros dos varanoides, emparentados cos actuais lagartos varanos terrestres. Eles probablemente evolucionaron de réptiles escamosos semiacuáticos coñecidos como os aigialosáuridos, os cales son moi similares en aparencia aos modernos varanos, a finais do período Cretáceo Inferior. Durante os últimos 20 millóns de anos do período Cretáceo (Turoniano-Maastrichtiano), coa desaparición dos ictiosauros e os pliosauros, os mosasauros convertéronse nos depredadores mariños dominantes.

1. ↑ Lee MSY (29 de xaneiro de 1997). "The phylogeny of varanoid lizards and the affinities of snakes". Philos Trans R Soc Lond B Biol Sci. 352 (1349): 53–91. PMC 1691912. doi:10.1098/rstb.1997.0005.