Permafrost

En xeoloxía, denomínase permafrost ou permaxeo^[1] á capa permanentemente conxelada nos niveis superficiais do chan das rexións moi frías ou periglaciais como é a tundra. Pode encontrarse en áreas circumpolares do Canadá, Alasca e norte de Europa entre outras, así como na zona de moi alta montaña.

A importancia do permafrost no secuestro de gases de efecto invernadoiro -como dióxido de carbono ou metano que se liberarían pola descomposición de plantas mortas- e a súa liberación polo aumento de temperaturas é considerado un problema climático.^[2]

1. ↑ Léxico panlatino do cambio climático Realiter,
2. ↑ "Cartografiando el permafrost ártico". www.esa.int (en castelán). Consultado o 2020-03-04.