Back Mens Afrikaans Mensch ALS የሰው ልጅ Amharic Humán AN मनुष्य ANP إنسان Arabic ܒܪ ܐܢܫܐ ARC بنادم ARY انسان ARZ মানুহ Assamese
| Humano Rango fósil: 0,315 Ma-0 Ma Plistoceno – presente | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
 Home e muller da etnia Akha do norte de Tailandia. | |||||||||||||||||||||
| Estado de conservación | |||||||||||||||||||||
 Pouco preocupante[1] | |||||||||||||||||||||
| Clasificación científica | |||||||||||||||||||||
| |||||||||||||||||||||
| Nome binomial | |||||||||||||||||||||
| Homo sapiens | |||||||||||||||||||||
 Distribución do Homo sapiens (verde)
| |||||||||||||||||||||
| Subespecies | |||||||||||||||||||||
|
†Homo sapiens idaltu White et al., 2003 | |||||||||||||||||||||
| Sinonimia | |||||||||||||||||||||
|
Sinonimia de especies
| |||||||||||||||||||||
Os seres humanos, tamén chamados xenericamente humanos[2] ou homes[3] (Homo sapiens), son unha especie da orde dos primates e da familia dos homínidos.[4][5] H. sapiens é o único representante vivente do xénero Homo e, ademais, só ten unha subespecie vivente, o H. s. sapiens. Diversas probas baseadas na comparación do ADN fan pensar que os humanos modernos se orixinaron en África hai arredor de 200 000 anos.[6][7]
Os algoritmos xenéticos determinan unha diferenza dun 0,2% do material xenético entre os diferentes individuos desta especie, que ten como algunhas das características máis destacadas a súa intelixencia, o desenvolvemento da linguaxe e a cultura. Os humanos teñen un cerebro altamente desenvolvido, quen de realizar un tipo de razoamento abstracto, de consciencia e de emocións complexas. Esta capacidade mental, combinada cunha posición erecta do corpo que libera os brazos e as mans, dálle unha gran capacidade de manipular obxectos e utilizar ferramentas con máis efectividade que calquera outra especie da terra.
Como a maioría de primates, os humanos son sociais por natureza, pero tamén son quen de empregar sistemas de comunicación moi elaborados para facer posible a expresión e intercambio de ideas, así como a organización social. Crean estruturas complexas de convivencia, dende familias até nacións e estableceron unha enorme variedade de tradicións, rituais, éticas, valores, normas e leis que forman a base da sociedade humana. Tamén teñen unha predisposición destacada para a estética e a beleza, que provocou fenómenos como son a cultura, a arte, a literatura e a música.
Os seres humanos destacan polo seu desexo de entender o mundo que os rodea, sobre o cal inflúen e que queren comprender. Tamén intentan coñecer e controlar os fenómenos naturais, que tratan a través da ciencia, a filosofía, a mitoloxía e a relixión. Esta curiosidade natural permitiulle desenvolver ferramentas, e nun senso máis xeral, a tecnoloxía. Os humanos son a única especie coñecida capaz de acender lume, cocer os alimentos e vestirse; ademais, transmiten as súas habilidades e coñecementos ás seguintes xeracións a través da educación.
De xeito habitual emprégase o termo «home» para designar todos os humanos xenericamente, malia que no seu sentido máis específico, esta palabra se aplica ós individuos de sexo masculino. Así, o termo «homes» pódese aplicar tanto a tódolos individuos da especie como ós de sexo masculino, mentres que os de sexo feminino teñen a denominación exclusiva de «muller».[8]
- ↑ Global Mammal Assessment Team (2008). "Homo sapiens". Lista Vermella de especies ameazadas. Versión 2013.2 (en inglés). Unión Internacional para a Conservación da Natureza. Consultado o 6 de abril de 2014.
- ↑ Definicións no Dicionario da Real Academia Galega e no Portal das Palabras para humano.
- ↑ Definicións no Dicionario da Real Academia Galega e no Portal das Palabras para home.
- ↑ Goodman, M.; Tagle, D.; Fitch, D.; Bailey, W.; Czelusniak, J.; Koop, B.; Benson P.; Slightom, J. (1990). "Primate evolution at the DNA level and a classification of hominoids". J Mol Evol 30: 260 – 6. PMID 2109087. doi:10.1007/BF02099995.
- ↑ University of Michigan Museum of Zoology (ed.). "The Animal Diversity Web" (en inglés). Consultado o 25 de setembro de 2006.
- ↑ Human Ancestors Hall: Homo Sapiens Arquivado 15 de outubro de 2007 en Wayback Machine. (consultado o 13 de outubro de 2006)
- ↑ Alemseged, Z.; Coppens, Y.; Geraads, D. (2002). "Hominid cranium from Omo: Description and taxonomy of Omo-323-1976-896". Am J Phys Anthropol 117: 103–12. PMID 11815945. doi:10.1002/ajpa.10032.
- ↑ En latín distínguese homo ('humano') e vir ('varón' ou 'home').