Back Sonerezh surf Breton Música surf Catalan Surfmusik German Surf music English Surfmuziko Esperanto Música surf Spanish Surf rock Estonian Surf music Basque موسیقی سرف Persian Surf Finnish
A música surf é un xénero de música popular asociado coa cultura do surf, en particular, do Condado de Orange e outras áreas do sur de California. Foi particularmente popular entre 1961 e 1965, posteriormente recuperouse e foi moi influente na música rock.[1] O surf como xénero, con referencias ao sol e a area, as carreiras de coches trucados e os bólidos e, dun modo menos directo, ao sexo, era unha música californiana para pasar o intre que serviu de banda sonora para as películas de praia da época, así como de documentais como w:The Longest Wave ou w:Crystal Voyager, que celebraban o surf e o estilo de vida asociado a este deporte.
Pódense considerar dúas tendencias principais: o surf rock, instrumental en gran medida, cunha guitarra eléctrica ou un saxofón tocando a melodía principal, representada por primeira vez por artistas como Dick Dale e The Do-Tones, e o pop surf vocal, que inclúe baladas e música de baile, a miúdo con harmonías fortes que son asociadas principalmente con The Beach Boys. Moitas bandas de surf notables destacaron tanto polo surf instrumental como polo pop surf, de modo que a música surf adóitase considerar como un só xénero a pesar da variedade destes estilos.[1]