The Pogues

The Pogues
The Pogues at the Fillmore (2006) logo da reunificación xa con MacGowan
Orixe	Kings Cross, Londres, Inglaterra (mais varios membros son de ascendencia irlandesa)
Período	1982-1996 2001-presente
Xénero(s)	celtic punk, folk punk, celtic fusion
Membros	Shane MacGowan James Fearnley Spider Stacy Jem Finer Andrew Ranken Phil Chevron Terry Woods Darryl Hunt
Antigos membros	Cait O'Riordan Joe Strummer Jamie Clarke Dave Coulter James McNally
Na rede
http://www.pogues.com/

The Pogues é unha banda anglo-irlandesa de celtic punk (estilo musical que fusiona o punk-rock coa música tradicional irlandesa) xurdida a principios dos anos '80 en Londres (Inglaterra) baixo o nome Pogue Mahone, unha anglicisación da expresión irlandesa póg mo thóin, que literalmente significa Bícame o cu.^[1] A banda creouse en 1982 liderada por Shane MacGowan e tivo un grande éxito dende mediados da década dos '80 ata os inicios dos '90, cando MacGowan abandonou o grupo a causa dos seus problemas co alcohol, mais a banda continuou a súa andaina, primeiro con Joe Strummer (antigo líder de The Clash), e posteriormente con Spider Stacy como cantantes ata a disolución do grupo en 1996.^[2] No 2001 a banda reuniuse novamente, dando concertos de xeito regular e publicando varios discos en directo e recompilatorios, aínda que sen editar ningún álbum de estudio novo.

A súa música ten unha mensaxe política, influenciada por The Clash, coa esencia da máis pura música tradicional irlandesa, con instrumentos como tin whistle, o banjo, a mandolina, o acordeón ou o bodhrán. Durante o período que Shane MacGowan deixou a banda, os instrumentos de base eléctrica gañaron máis importancia.

1. ↑ BBC - Radio 2 - Documentaries - Pogue Mahone: The Story of the Pogues
2. ↑ "The Pogues: Biography : Rolling Stone". Arquivado dende o orixinal o 27 de febreiro de 2010. Consultado o 09 de maio de 2011.