Toxina

As toxinas (do grego τοξικόν toxikon) son substancias velenosas producidas por células de organismos vivos.^[1][2] As toxinas non inclúen a velenos producidos sinteticamente. O termo empregouno por primeira vez o químico Ludwig Brieger (1849–1919).

As toxinas poden ser aquelas pequenas moléculas, péptidos ou proteínas que causen enfermidades por contacto con ou por absorción nos tecidos corporais e que interactúen con macromoléculas biolóxicas, como enzimas ou receptores celulares. As toxinas varían amplamente na súa capacidade de toxicidade. Van desde pequenas inchazóns, como as de picaduras de abellas, a mortes súbitas, como as da toxina botúlica.

1. ↑ "toxin - Definition from the Merriam-Webster Online Dictionary". Consultado o 12 setembro 2016. 
2. ↑ Real Academia Galega (12 de setembro de 2016). RAG, ed. "toxina, RAG". www.academia.gal/dicionario/. Consultado o 12 de setembro de 2016.