Back اولتراوکس AZB Ultravox Catalan Ultravox Czech Ultravox Danish Ultravox German Ultravox English Ultravox Esperanto Ultravox Spanish اولتراوکس Persian Ultravox Finnish
| Ultravox | |
|---|---|
 | |
| Orixe | Londres, Inglaterra  |
| Período | 1973 - 1987 1992 - 1996 2008 - presente |
| Xénero(s) | new wave, synthpop, post-punk |
| Selo(s) discográfico(s) | Island, Chrysalis, EMI, PolyGram |
| Membros | Chris Cross Warren Cann Billy Currie Midge Ure |
| Antigos membros | John Foxx Stevie Shears Robin Simon Mark Brzezicki Tony Fenelle Gerry Laffy Neal Wilkinson Jackie Williams Sam Blue Vinny Burns Tony Holmes Gary Williams |
| Artistas relacionados | Visage |
| Na rede | |
| ultravox.org.uk | |
             | |
Ultravox é unha banda inglesa de new wave fundada en Londres en 1973. É unha das principais expoñentes do movemento británico do pop electrónico de finais dos 70 e principios dos 80.
Ultravox foi dirixida por dous líderes diferentes que nunca tocaron xuntos na banda. Dende 1974 ata 1979 John Foxx foi o seu líder. Foxx abandonou o grupo para iniciar unha carreira en solitario e tras a súa saída, cos tres membros restantes en hiato, Midge Ure converteuse no seu vocalista principal, guitarrista e líder. Ure revitalizou a banda e levouna cara ao éxito comercial que duraría ata mediaos dos anos 80. Ure marcharía en 1987 ao iniciar tamén unha carreira en solitario e o grupo separouse durante un tempo. Unha nova formación, dirixida polo membro orixinal Billy Currie (teclados e violín), creouse en 1992, pero conseguiu moi pouco éxito.
A formación máis famosa de Ultravox é a composta por Currie, o baixista Chris Cross, o batería Warren Cann e Midge Ure, reformada en 2008 para realizar unha serie de concertos de reunión en 2009 e 2010 antes de que editasen o álbum Brilliant en maio do 2012, o seu primeiro disco xuntos dende o Lament de 1984.