Violoncello

Este artigo ou sección precisa dunha revisión do formato que siga o libro de estilo da Galipedia. Mellore este artigo: uso de negras Pode axudar a mellorar este artigo e outros en condicións semellantes.

Violoncello
Información
Clasificación	Corda fretada
Tesitura
Instrumentos relacionados	Violín Viola Contrabaixo
Músicos notables	Violonchelistas

O violoncello ou violonchelo^[1] é un instrumento musical de corda fretada pertencente á familia do violín^[2] e de tamaño e rexistro entre a viola e o contrabaixo. É un dos instrumentos básicos e fundamentais da orquestra dentro do grupo das cordas, realizando normalmente as partes graves, aínda que a súa versatilidade tamén permite aos instrumentistas que o tocan interpretar partes melódicas. Tócase, xeralmente, refregando un arco coas cordas^[3] e co instrumento suxeito entre as pernas do violoncellista.

Componse de catro cordas afinadas a unha distancia de quinta xusta, sendo estas La(I)-Re(II)-Sol(III)-Do(IV), ou en notación absoluta, La3-Re3-Sol2-Do2, unha oitava máis grave que a viola.

O seu nome provén do italiano e quer dicir "violón pequeno"; o violón era un instrumento semellante ao contrabaixo. Tradicionalmente é considerado un dos instrumentos de corda que máis se asemella á voz humana.^[2] Ó longo da historia da música compuxéronse moitas obras para violoncello debido á súa grande importancia dentro do panorama musical, ao ser este un instrumento básico en moitas formacións instrumentais.

Os violoncellos comezaron a construírse a finais do século XVI pero non fixaron as súas medidas actuais até principios do século XVIII.

1. ↑ Definicións no Dicionario da Real Academia Galega e no Portal das Palabras para violoncello. Consultado o 10 de febreiro de 2017.
2. ↑ ^{2,0 2,1} el-atril.com. "El violonchelo". Consultado o 8 de marzo 2009. 
3. ↑ WordReference.com. "Violonchelo". Consultado o 8 de marzo 2009.