Back Maughold CEB Maughold German Maughold (parish) English Maughold (parrokia) Basque Maughold (paroisse administrative) French Skeerey Maghal Irish Maughold Italian Maughold (Man) NB Maughold Swedish

Skeerey Maghal

Skyll Maghal
Maughold
—  Skeerey  —
Cowrey failt ayns Skyll Maghal
Cowrey failt ayns Skyll Maghal
Soiaghey Skyll Maghal er caslys-çheerey Vannin
Soiaghey Skyll Maghal er caslys-çheerey Vannin
Co-ordnaidyn: 54°17′55″N 04°19′3″W / 54.29861°N 4.31750°W / 54.29861; -4.31750
Çheer Mannin
Sheadin Garff
Co-heiyderyssyn y Chiare as Feed
Garff
Soieag Skyll Maghal
Reiltys
 - Colught Barrantee Garff
 - Captan ny Skeerey Clare Christian
 - Caairliagh ny Barrantee Mark Cowley[1]
Eaghtyr[2][3]
 - Yn clane 34.5 km² (13.3 mi ker)
Earroo yn phobble (2006)[4][3]
 - Yn clane 950
 - Glooaght y phobble 27.5/km² (71.2/mi ker)
Cryss hraa GMT (UTC+0)
 - Sourey (TTSL) BST (UTC+1)
Coad postagh IM7
Coad(yn) çhellvane 01624
Ynnyd-eggey www.maughold.org.im

Ta Skyll Maghal ny Skeerey Maghal (Baarle: Maughold) ny valley beg as ny skeerey ayns shiar hwoaie Vannin. Ta ennym ard-noo yn ellan - Maghal - currit urree. Ta'n skeerey hene 34.5 km² er eaghtyr as rere coontey-pobble 'sy vlein 2006 va 950 cummaltee ayn.[4] Myrane lesh y valley beg as ennym y skeerey er, ta'n skeerey goaill stiagh ny baljyn beggey Cornah as Glion Moaney. Ta Raad-yiarn Lectragh Vannin goll trooid y skeerey er e vollagh veih Doolish gys Rhumsaa, as t'eh jannoo stadyn ayns ram buill 'sy skeerey, lheid as Stashoon traenagh Chornah as Stadd y Gharey.[5]

Y cheeill ayns Skyll Maghal

Ta'n skeerey hene sheeyney veih Rhumsaa dys Clagh Ouyr, as veih mullagh sker y clieau hiar gys y vooir. T'ee ny slyst sleitagh, as ta'n chooid smoo j'ee ny thalloo sleitagh neuvoallit nagh vel traauoil. T'ad Baarool Twoaie (561 m), Clagh Ouyr (551 m), Slieau Lhean (459 m), Slieau Ouyr (452 m) as Slieau Ruy (396 m) ny buill s'yrjey 'sy skeerey. Ny h-ard-vuill s'inshley, t'ad goaill stiagh Glion Valley Euar (altan keylljagh beg er liargagh twoaie Vaarool), Glion Chornah (glion anerit eddyr Pairk Llewellyn as Baarool, as oirr ard Slieau Lhean as Slieau Ouyr), as Glion y Dhoon (glionteen veg keylljagh ec bun Slieau Ruy). Ta'n thalloo liargee dy geyre veih ny sleityn gys y choose. Ta'n coose ard as creggagh as brisht liorish gulladyn. Ta ram glish ghiarey stroo veih ny sleityn gys y vooir trooid clashyn diuney 'sy choose, agh she'n glass Awin Chornah y glass smoo ny mast'oc.

Ta'n balley beg hene ta enmyssit Maghal ny hoie faggys da Kione Maghal (114 m), raad haink y noo er çheer rere ny shenn-skeealyn. Ta'n kione shoh ny voayl smoo shiar er yn ellan as t'eh ny voayl s'faggys da Sostyn, 50 kilometeryn veih St Bees Head ayns Cumbria. Ta keeill veg ry-akin 'sy valley beg as ta'n cheeill shen nane jeh ny kialteenyn shinney er yn ellan. T'ee ny thie cadjin jeh'n torçh Manninagh, as ta ram taaishnyssyn ayn, goaill stiagh croshyn Celtiagh as Loghlynagh lesh roonyn er fir jeu. Ta ny croshyn shen tashtit ayns Thie Croshyn Skylley Maghal ayns thalloo ny killey.[6] Ayns ruillick ny killey ta tree kialteenyn jeh'n çhenn-horçh ry-akin. 'Sy ruillick ta lhiaghtyn cooinaghtyn ry-akin myrgeddin as enmyn ny cummaltee skeerey ren cohoyrtyssyn scanshoil da seihll yn ellan, lheid as Edward Christian (y chied Chiannoort Manninagh), P.M.C. Kermode (y chied veoir jeh Thie-Tashtee Vannin), as y Reejerey Charles Kerruish (kied eaghtyrane Tinvaal). Faggys da corneil hiar hwoaie y ruillick ta Çhibbyr Noo Maghal ry-akin. Chur lught yn ellan arrym mooar da'n çhibbyr ayns ny shenn-traaghyn agh cha nel y çhibbyr nish agh ny voayl naggyr.[7]

  1. ↑ "Maughold Parish Commissioners". Barrantee Skyll Maghal ec maughold.org.im. Er ny hashtey veih yn lhieggan bunneydagh er 2010-01-24. Feddynit magh er 27 Averil 2011.
  2. ↑ "Isle of Man: Parishes, Towns & Villages". citypopulation.de. Feddynit magh er 27 Averil 2011.
  3. ↑ a b Cha nel staydraa ayn ta scarrey Kione Droghad veih Connaghyn. Er-yn-oyr shen, ta ny h-earrooyn shoh çheet er Connaghyn as Kione Droghad ry-cheilley.
  4. ↑ a b "Isle of Man Census Report 2006" (PDF) (ayns Baarle). Rheynn Cooishyn Tarmaynagh, Yn Tashtey. 2006. dgn. dg. 3. ISBN 0-904869 970. Er ny hashtey veih yn lhieggan bunneydagh (pdf) er 2007-09-30. Feddynit magh er 27 Averil 2011.{{cite web}}: CS1 maint: çhengey gyn enney (link)
  5. ↑ "Manx Electric Railway - Stopping Places" (ayns Baarle). Manx Electric Railway Society. Feddynit magh er 12 Averil 2010.{{cite web}}: CS1 maint: çhengey gyn enney (link)
  6. ↑ "Kirk Maghal Cross House" (ayns Baarle). Barrantee Skylley Maghal. Er ny hashtey veih yn lhieggan bunneydagh er 2010-01-24. Feddynit magh er 12 Averil 2010.{{cite web}}: CS1 maint: çhengey gyn enney (link)
  7. ↑ "St Maughold's Well" (ayns Baarle). A Manx Note Book. Feddynit magh er 12 Averil 2010.{{cite web}}: CS1 maint: çhengey gyn enney (link)

Developed by StudentB