Warner Music Group (WMG), խոշորությամբ երրորդ կոնցեռն և ձայնագրման ստուդիաների ընտանիք, որը մտնում է «ձայնագրման լեյբլների մեծ եռյակ»։ Կոնցեռնը հիմադրվել է 1958 թվականին և կրել է Warner Bros. Records անվանումը։ Հետագայում՝ 1971 թվականին այն վերանվանվել է WEA (Warner Bros. - Elektra - Atlantic) և գոյատևել է երեք տասնամյակ։
Այսօրվա դրությամբ կոնցեռնը կրում է Warner Music Group (WMG) անվանումը՝ հիմնադրվելով 2004 թվականին Time Warner-ից անջատվելու արդյունքում։ Չնայած անվանմանը, Time Warner-ը ոչ մի իրավունք չունի Warner Music Group-ի վրա։ Warner Music Group-ը ունի երաժշտական հրատարակություն, որը կրում է Warner/Chappell Music անվանումը։
2011 թվականին WMG-ն հայտարարել է, որ այն վաճառվելու է Access Industries ընկերությանը, որը պատկանում էր Լեոնիդ Բուլավատնիկին։ Վաճառքը ավարտվել է 2011 թվականի հուլիսի 10-ին և կազմել է 3,3 միլիարդ ԱՄՆ դոլար[3][4]։