Back Исаак Ньютон ADY Isaac Newton Afrikaans Isaac Newton ALS አይሳክ ኒውተን Amharic Isaac Newton AN Isaac Newton ANG आइजक न्यूटन ANP إسحاق نيوتن Arabic ܐܝܣܚܩ ܢܝܘܛܢ ARC إسحاق نيوتن ARY
Isaac Newton (etiam Neuton o Neutonus in su scriptos in latino; 4 de januario 1643 - 31 de martio 1727 [OS: 25 de decembre 1642 - 20 de martio 1727]) esseva un physico, mathematico, astronomo, philosopho natural, alchimista, e theologo britannic qui es considerate como un del personas le plus influente in historia. Su publication in 1687 del Philosophiae naturalis principia mathematica (tamben cognoscite como le Principia mathematica o le Principia) es un del libros le plus influente in le historia de scientia, creante le base pro le studio del mechanica classic. In iste obra, Newton describeva gravitation universal e le tres leges de motion que dominava le puncto de vista scientific del universo physic durante tres seculos postea. Newton monstrava que le motiones de cosas in Terra e de corpores celestial es governate per le mesme gruppo de leges natural per demonstration del consistentias inter le leges de motion del planetas per Johannes Kepler e su theoria de gravitation; isto removeva le dubitas final re le theoria de heliocentrismo e avantiava le revolution scientific.
Le obras de Newton influentiava plure altere campos de studio scientific. In le mechanica, Newton enarrava le principios del conservation de impulsion linear e angular. In le optica, ille creava le prime telescopio reflexe practic e disveloppava un theoria de color basate in le observation que un prisma decompone luce blanc al plure colores que forma le spectro visibile. Ille studiava etiam le velocitate de sono e formulava un lege empiric de congelation. In le mathematica, Newton (con Gottfried Leibniz) disveloppava calculo differential e integral; ille demonstrava etiam le theorema binomie general e creava le "methodo de Newton" pro approximar le zeros de un function, e contribueva al studio del serie de poteres. Foras de scientia, Newton esseva un autor religiose prolific, scribente plus obras re hermeneutica biblic que re le scientia pro le qual ille es ben cognoscite hodie.
Newton, sin adjuta, contribueva plus al disveloppamento del scientia que quicunque altere individuo in le historia. Ille superava tote le ganios effectuate per le grande mentes del antiquitate, producente un schema del universo que esseva plus consistente, elegante e intuitive que ulle proponite antea. Newton affirmava principios explicite del methodo scientific que es applicabile a omne brancas del scientia. Isto esseva in acute contradiction al methodologia de Aristotele e Thomas de Aquino, qui habeva traciate methodos separate pro differente disciplinas.