Joule

Le joule (symbolo J) es un unitate derivate de energia o travalio in le Systema International de Unitates.

Un joule equala le energia expendite (o travalio exequite) in applicar un fortia de un newton per un distantia de un metro (1 newton metro or N·m), o in transmitter un currente electric de un ampere per un resistentia de un ohm per un secunda. Illo es nominate pro le physico anglese James Prescott Joule (1818–1889).^[1]

In terminos primemente de unitates base del SI e tunc in terminos de altere unitates del SI:

${\displaystyle {\rm {J={}{\rm {{\frac {kg\cdot m^{2}}{s^{2}}}=N\cdot m={\rm {Pa\cdot m^{3}={}{\rm {W\cdot s}}}}}}}}}$

ubi N es le newton, m es le metro, kg es le kilogramma, s es le secunda, Pa es le pascal, e W es le watt.

Un joule anque pote esser definite como:

• Le travalio requirite de mover un carga electric de un coulomb per un differentia potential electric de un volt, o un '"coulomb volt" (C·V). Iste relation pote esser usate de definir le volt.
• Le travalio requirite de producer un watt de potentia pro un secunda, o un "watt secunda" (W·s) (compara kilowatt hora). Iste relation pote esser usate de definir le watt.

1. ↑ McGraw-Hill Dictionary of Physics, 5th Edition (1997). McGraw-Hill, Inc., p. 224.