Relativitate general

Le relativitate general o le theoria general de relativitate es le theoria geometric del gravitation publicate per Albert Einstein in 1916 ^[1] e es le description currente del gravitation in le physica moderne. Le relativitate general generalisa le relativitate special e le lege de gravitation universal de Newton, per provider un description unificate del gravitate como un proprietate geometric de spatio e tempore, o spatiotempore. In particular, le curvatura de spatiotempore es directemente relate al quadrimomento (energia de massa e momento linear) de qualcunque materia e radiation es presente. Le relation es specificate per le equationes de campo de Einstein, un systema de equationes partial differential.

Multe predictiones del relativitate general differe significantemente ab les del physica classic, specialmente re le passage de tempore, le geometria de spatio, le motion of corpores in cadita libere, e le propagation de lumine. Exemplos de tal differentias include gravitational dilatation temporal, le gravitational dislocation rubial de lumine, e le gravitational retardo temporal. Predictiones de relativitate ha essite confirmate in omne observationes e experimentos al presente. Ben que relativitate general es non le sol theoria relativistic de gravitate, illo es le plus simple theoria que es consistente con datos experimental. Totevia, questiones sin responsa remane, le plus fundamental essente como relativitate general pote esser reconciliate con le leges de physica quantic pro producer un complete e autoconsistente theoria de gravitate quantic.

Relativitate general ha importante implicationes astrophysic. Pro exemplo, illo implica le existentia de cavos nigre — regiones de spatio ubi spatiotempore es distorquite tal que nil, includente lumine, pote escappar — como un stato final pro stellas massive. Il ha ample evidentia que tal cavos nigre stellar e le plus massive varietates de cavo nigre es responsabile pro le intense radiation emitte per alicun typos de objectos astronomic, tal como active nucleos galactic o microquasares. Le curvar de radios luminal per gravitate pote causar le phenomeno de refraction gravitational, ubi multiple imagines del mesme distante objecto astronomic es vidibile in le celo. Relavitate general anque predice le existentia de undas gravitational, que depost ha essite mesurate directemente per le projecto LIGO; un mesuration directe es etiam le fin del projecto NASA/ESA LISA. Additionalmente, relativitate general es le base de currente modellos cosmologic de un universo consistentemente in expansion.

1. ↑ Biographia de Albert Einstein al sito del Premio Nobel