Pagsasao a Madura

Madura
Madhura, Basa Mathura بَهاسَ مَدورا
Rehion	Isla ti Madura, Is-isla ti Sapudi, lugar ti akin-amianan nga aplaya ti akindaya a Java, Singapur
Etnisidad	Madura
Patubo a mangisasao	15 a riwriw (2007)[1]
Pamilia	Austronesio Malayo-Polinesio Nuklear a Malayo-Polinisio Malayo-Sumbawano Madura
Dagiti dialekto	Kangean
Kodkodigo ti pagsasao
ISO 639-2	mad
ISO 639-3	Uray ania: mad – Maitutop a Madura kkv – Kangean
Glottolog	madu1247

Ti Madura ket pagsasao dagiti tattao a Madura iti Isla ti Madura ket iti akindaya a Java, Indonesia; daytoy ket naisasao pay dagiti agkaarruba a bassit nga Is-isla ti Kangean ken Is-isla ti Sapudi, ken dagiti pay imigrante kadagiti sabali a paset ti Indonesia, idiay lugar ti Tapal Kuda ("sapatos ti kabalio") iti kaarrba ti Java (a mangbukel ti Pasuruan, Surabaya, Malang aginggana iti Banyuwangi), ti Is-isla ti Masalembu, ken uray pay idiay Kalimantan. Ti Kangean a dialekto ket mabalin a sabali a pagsasao. Daytoy ket tradisional a naisurat iti sinuratan a Habanes, ngem ti sinuratan a Latin ket isu itan ti kadawyan a maus-usar. Dagiti bilang ti agsasao, urayno bumasbassiten, ket nakarkulo iti agarup a 8-13 a riwriw. Dagiti pannakaisilpo a nagbaetan ti sasao a Bali–Sasak ken Madura ket ad-adu a makitkita iti "nababa" a porma (kadawyan a porma). Adda met dagiti kadawyan a balikas a nagbaetan dagiti pagsasao a Madura ken Filipino ken dagiti pay nagbaetan ti Madura ken Banjar. Adda met dagiti nadumaduma a dialekto.