Tattao a Malayo

Tattao a Malayo
Orang Melayu
اورڠ ملايو

Dagup ti populasion
c. 24.38 a riwriw
Dagiti rehion nga agraman kadagiti adu a populasion
Malaysia: 14,749,378[1] Brunei: 261,902
Patneng a lugar	.
Indonesia	5,365,399[2]
Tailandia	1,964,384[3]
Singapur	653,449[4]
Diaspora	.
Abagatan nga Aprika	~200,000[5]note
Sri Lanka	40,189[6]note
Australia	33,183[7]
Nagkaykaysa a Pagarian	~33,000[8]
Myanmar	~27,000[9]
Sasao
Opisial: Malayo (Indones • Malaysio • Bruneiano) Dagiti dialekto: Bangka Bengkulu Berau Brunei Jambi Kedah Kelantan-Pattani Pahang Palembang Perak Pontianak Sarawak Terengganu, kdpy Dadduma pay: Tailandes Birmano dagiti bernakulo a pagsasao dagiti sabali a pagilian iti diaspora
Relihion
Amin Sunni nga Islam
^ nota: Naturalisado unay a populasion kadagiti aglalaok a taudan, ngem agus-usar iti identidad iti 'Malayo'

Dagiti Malayo (Malayo: Orang Melayu, Jawi: اورڠ ملايو) ket dagiti grupo ti etniko dagiti tattao nga Austronesio a kaaduan a mangtagtagitao ti Peninsula Malayo, akindaya a Sumatra ken ti parte ti aplaya ti Borneo, ken dagiti pay basssit nga isla a mabirukan kadagitoy a lokasion — dagiti lugar a kolektibo nga ammo a kas ti lubong ti Malayo. Dagitoy a lokasion ita nga aldaw ket parte dagiti moderno a pagilian ti Malaysia, Indonesia, Singapur, Brunei, ken akin-abagatan a Tailandia.

Adda dagiti adu a panagdumaduma iti henetiko, lingnguistiko, kultura, ken sosial kadagiti adu a subgrupo ti Malayo, kangrunaan a gapu dagiti ginasut a tawen ti migrasion ken asimilasion dagiti nadumaduma rehional nga etnisidad ken dagiti tribu iti kaunegan ti Maritimo nga Abagatan a daya nga Asia. Iti pakasaritaan, ti populasion ti Malayo ket kangrunaan a nagtaud manipud kadagiti a nasapsapa a nagsasao iti Malayiko a tribu ti Austronesio ken Austroasiatiko a nagpundar kadagiti nadumaduma a taga-ugma a pagtagilakuan nga es-estado ken pagpagarian, a naipangpangruna ti Brunei, Kedah, Langkasuka, Gangga Negara, Chi Tu, Nakhon Si Thammarat, Melayu ken Srivijaya^[10][11]