Demokrata Partiso (Usa)

Ta artiklo esas klada. Se tu konocas la temo dil artiklo, tu povas helpar ni plugrandiganta ol.

La Demokrata Partiso (Angle: Democratic Party) esas un ek la du granda partisi politikala de Usa e la maxim importanta politikal organo por Usana liberalismo. Ica partiso esas plu progresiva, liberala e sinistra kam la Republikana Partiso, sua opozanto. La spektro politikal dil Usana partisi tamen esas vasta, e la partiso inkluzas konservativi, moderemi, liberali e poka socialisti.

La partiso devenas del Demokrata Partiso dil suportanti di Andrew Jackson ed ilua rural expansista politiko. Ol esis por sklaveso dum granda parto dil 19ma yarcento, ma progresiva tendenco, tamen ne kontre-rasista, komencas dum la 1890ma yari en la kandidateso di William Jennings Bryan. La prezidanteso di Franklin Delano Roosevelt esis decidiva por fondar progresiva, Keynesiana karaktero partisala kun elementi di socialdemokratio. En 1950ma e 1960ma yari la movemento por egala yuri por Afrikan-Usani esis importanta forco en la partiso. Rasista, precipue suda parto esis tamen influoza en la partiso, nomate la Dixiecrats, til la 1970ma yari. Dum la 1970ma, 1980ma e 1990ma yari la Demokrata Partiso dextreskis ed influesis per neoliberalismo. La 2010ma yari havis rinasko di eminenta movemento por l'emancipo di Usani Afrikan. Pos la nesucesoza kandidateso di Bernie Sanders en 2016, socialista e socialdemokrata tendenco itere naskis.

Olua maxim recenta prezidanto esas Barack Obama e lua maxim recenta prezidantokandidato esas Hillary Clinton. Relativa majoritato di Usani esas membri dil Demokrata Partisi ed en 2000 e 2016 la partiso ganis majoritato di voti, ma perdis la prezidanteso.

La simbolo politikala di la Demokrata Partiso esas l'asno.