Back Euratom Afrikaans الجماعة الأوروبية للطاقة الذرية Arabic EURATOM AST Avropa Atom Enerjisi Birliyi Azerbaijani Еўрапейская супольнасць па атамнай энергіі Byelorussian Европейска общност за атомна енергия Bulgarian Evropska zajednica za atomsku energiju BS Comunitat Europea de l'Energia Atòmica Catalan Evropské společenství pro atomovou energii Czech Europæiske Atomenergifællesskab Danish
La Europana Atom-Energiala Komunitato (EAEK od Euratom) esas internaciona organizuro fondita en 1957 skope krear specalista merkato pri atomenergio en Europa, developar atomenergio e distributar ol a sua membra stati, dum vendar la ecesajo a ne-membra stati.
Ol esas legale distinta del Europan Uniono (EU), ma havis la sama membraro, e guvernesis dal EU-institucuri. Depos 2014, Suisia anke partoprenas la programi di Euratom kom asociita stato.
Nuntempe, olua chefa foko esas la konstrukto dil Internaciona Fuzo-Reaktoro, ITER, financizita sub la nukleara parto di FP7. Euratom anke provizas mekanismo por provizar prestaji por financizar atomenergiala projeti en EU.
Ol establisesis dal Euratom-Pakto ye la 25ma di marto 1957 apud la Europana Ekonomiala Komunitato (EEK), e jeresis dal institucuri dil EEK depos 1967. Malgre ke omna altra posmilita Europana komunitati kombinesis aden la EEK e pose la EU, Euratom mantenis sua legale distinta naturo, ed esas la sola restanta komunitato-organizuro qua esas nedependanta de Europan Uniono, e tale exter regulala direte dal Europana Parlamento.