Back Kultuur Afrikaans Kultur ALS ባሕል Amharic Cultura AN ثقافة Arabic ܡܪܕܘܬܐ ARC ثقافه ARZ সংস্কৃতি Assamese Cultura AST Маданият AV
La vorto kulturo devenas de la Latina vorto cultura. Komence ol signifikis ‘agrokultivo’, ‘kultivo di feldo’, anke ‘habiteyo’, e pose ‘developo’, ‘civilizuro’, anke ‘homajo’.
Nun, kulturo signifikas, exemple, la materiala e spiritala stando quan ula naciono atingis dum yarcenti o mem yarmili. Ofte kulturo esas konektita a civilizo, kande ne inkluzas la materiala kulturo.
Per kompozita vorti preske irgo povas esar kulturo: muziko-kulturo, habiteyo-kulturo, sporto-kulturo, trafiko-kulturo, restorerio-kulturo, brandio-kulturo, Ido-kulturo, edc. Tatempe on konektas kulturo a kustumala konduto.
Do kulturo havas vasta signifiko. Tamen en konciza signifiko kulturo esas paralela kun arto. Exemple, on parolas pri Greka kulturo anciena e montras artala verki da Greki. Se politiko esas l'arto di la posibleso, kulturo esas la posiblesi dil arto.
Ni omni vivas en ula kulturo. Ultempe l'ecentrik artisti probas posedar la yuro pri experiencar la kulturo, ma omnu havas la yuro a kulturo. Omnu darfas experiencar la kulturo cirkondanta per propra modo.
