Lago

Lago esas baseno pleneskinta da aquo, interne di kontinento. Ofte baseno esas basa areo, qua neposibligas l'aquo quik irar adavane. Lagi ne esas parto dil oceano, e to esas la difero inter lagi e laguni.

Lagi povas naskar en volkanala krateri (exemple, che volkano Irazú, en Kosta Rika) od anke en ravini di rokoza montari. Profunda lagi aparas kom rezulto di movadi di terala plaki, qui povas krear profunda depresuri qui akumulas aquo, exemple la lago Baikal.

Biologiale regardante, eutrofa lago havas multe forejo (nutrivo), e pro to li esas dum somero trublinta. Oligotrofa lago havas tre klara aquo ma min multa vivant organismi. Amba tipi povas esar humusala, kande l'aquo esas brunatra.

Geologiale, omna lagi esas kurtatempala, e li plateskas e fine sikeskos. Exemplo pri lago qua sikeskis e desaparis esas lago Poopó, vasta de 1.000 km², qua jacis en Bolivia en altitudo di 3 700 metri, e desaparis komplete en decembro 2015.

Maxim granda lagi en mondo

Kaspio (Kaspia maro) 423.300 km²
Supra 82.414 km²
Viktoria 68.800 km²
Aral 66.458 km² (quale esas nun?)
Huron 59.586 km²
Michigan 58.016 km²
Tangajika 32.880 km²
Baikal 34.140 km² (maxim profunda)
Granda Urso-lago 31.068 km²
Granda Sklavo-lago 28.919 km²
Nyassa 28.480 km²
Erie 25.426 km²
Winnipeg 24.530 km²
Ontario 19.477 km²
Balkhach 18.400 km²
Ladoga 18.180 km²
Lago Chad 11.000-22.000 km²
Eyre 8.000 til 15.000 km²
Onega 9.549 km²

Maxim alta lago en la mondo:

Gurudongmar, en India (Sikkim)

Geografiala formi
Arkipelago • Atolo • Bayo • Delto • Dezerto • Duno • Estuario • Fluvio • Fonto • Fyordo • Geizero • Glaciero • Gulfo • Insulo • Istmo • Kabo • Kaverno • Klifo • Kolino • Kontinento • Lago • Laguno • Maro • Marsho • Monto • Oceano • Peninsulo • Planajo • Prato • Ravinego • Savano • Stepo • Stretajo (marala) • Tundro • Valo • Volkano