Back Maastricht Afrikaans Maastricht AN ماستريخت Arabic ماستريخت ARZ Maastricht AST Maastrixt Azerbaijani Маастрихт Bashkir Maastricht BAN Маастрыхт Byelorussian Маастрыхт BE-X-OLD
Maastricht (Limburgana: Mestreech) esas urbo e municipo en sudestala Nederlando.
Ol esas la chefurbo e maxim granda urbo dil provinco Limburg, ultre la maxim granda urbo en la historiala Dukio Limburg, qua hodie apartenas a Nederlando e Belgia.
Maastricht situesas an amba rivi di la fluvio Meuse (nederlandana: Maas), ye la loko ube la rivero Jeker (franca: Geer) enfluas ol.
Maastricht developesis de Romana habiteyo a mezepokala religiala centro, garnizon-urbo e frua industriala urbo. Hodie, Maastricht bone egardesas kom richa kulturala centro. Maastricht havas 1677 nacionala heredajo-situi (Rijksmonumenten), dop nur Amsterdam. Ol konocesas, pro la Pakto di Maastricht, kom naskeyo dil Europana Uniono, europana civitaneso, e la europana unika pekunio, la euro.
La urbo esas populara che turisti pro butiki ed amuzi, e havas granda internaciona studento-populo. Maastricht esas membro di la Reto de Maxim Anciena Europana Urbi, e parto dil Euroregiono Meuse-Rheno , qua inkluzas proxima urbi Aachen, Eupen, Hasselt, Liège e Tongeren. Ica Euroregiono esas metropolo kun habitantaro c. 3.900.000 e diversa internaciona universitati.