Back Kaukasus Afrikaans Kaukasus ALS جبال القوقاز Arabic Montes d'El Cáucasu AST Кавказалъул мугӀрул AV Qafqaz dağları Azerbaijani Кавказ тауҙары Bashkir Kaukasus BAR Kaukazos BAT-SMG Каўказскія горы Byelorussian
Kaukazo esas montaro, jacanta en sudestal Europa, an la frontiero inter Europa ed Azia, inter Nigra maro e Kaspia. Lua surfaco dividesas inter Armenia, Azerbaijan, Gruzia e parti ek sudala Rusia.
La regiono povas subdividesar en du arei: lua norda porciono nomesas Granda Kaukazo o Ciskaukazia, e historiale judikesas kom la naturala frontiero inter Europa ed Azia. La maxim alta monto de Europa, Elbrus, havanta 5 642 metri, jacas ibe. La westala porciono di Ciskaukazia deklaresis Mondala Patrimonio di la Homaro da UNESKO e Rezerveyo di la Biosfero, nam ol judikesas kom l'unika foresto de Europa sen importanta efekti de homala agado.
Lua sudala porciono, nomata Transkaukazia, jacas en Azia, havanta cirkume 600 km di extenso, konverganta vers la platajo di estal Anatolia, nord-este de nuna Turkia. Lua maxim alta monto esas Aragats, en Armenia, havanta 4 090 metri di altitudo.