Plastiko

On nominas plastiko a granda quanto di materii konstitucata da sintezala o mi-sintezala organika kompozaji qui esas maleebla e, pro to, esas muldebla per kaloro, preso, o per ta du faktori en solida objekti di diversa fomi. La vorto "plastiko" originis de "plastikeso", to esas, la kapaceso pri muldesar sen ruptar.^[1] Plastiki esas importanta prima materiaro por multa industrii e lua uzo esas vasta.

Ordinare, plastiki sintezesas de kemiala derivaji de petrolo. Tamen, ank existas plastiki qui originas de rinovigebla fonti (la nomizita naturala plastiki, exemple celofano). La maxim multa plastiki esas polimeri.

Plastiki anke povas subdividesar en:

1. termoplastiki - to esas, plastiki qui transformesas en liquido sub alta temperaturo, e pose povas rimuldesar, exemple polietileno;
2. termo-rezistiva plastiki - esas plastiki qui, pos solidigar li restas solida mem se subisas nova varmigo, exemple bakelito.

1. ↑ ¿Qué son los plásticos? :: PlasticsEurope - Publikigita da PlasticsEurope. URL vidita ye 2018. Idiomo: Hispana.