Saturdio

Saturdio esas la dio di la semano inter venerdio e sundio. Ol konsideresas la 7ma dio di la semano.

L'origino di la vorto "Saturdio" esas la Latina frazo dies Saturni (dio di Saturno), qua originis Sæternesdæg en Anglosaxona, e Saturday en Angla.

Altra lingui anke honorizas la deo o la planeto Saturno en la nomo di ta dio, exemple:

• Gaelana an Satharn, o dia Sathuirn
• Nederlandana zaterdag

En Skandinava landi, Saturdio esas Lördag o Laurdag, "dio por balnar su", por la Vikinga kostumo di balnar su en ta dio. La vorto por Saturdio en Skandinava lingui:

• Dana lørdag
• Finlandana lauantai
• Islandana laugardagur
• Norvegiana laurdag o lørdag
• Sueda Lördag

En altra lingui l'origino di la vorto esas Hebrea vorto Shabbat ("repozo", o "dio di repozo") nam ta dio konsideresas en la Biblo la dio kande Deo repozis, pos krear l'universo. Shabbat esas l'origino dil anciena Greka vorto sábbaton ed originis la vorti por ta dio en altra lingui:

• Asturiana sábadu
• Aymara sawaru
• Franca samedi
• Hispana sábado
• Italiana sábato
• Kataluniana dissabte
• Korsikana sabatu
• Cheka, Slovakiana e Poloniana sobota
• Portugalana sábado

Fine, altra signifiki en altra lingui:

• Chiniana 星期六 (xīng qī liù) - la 6ma dio di la semano
• Koreana 토요일 (To-Yo-Il) - dio di la Tero
• Germana Sonnabend - hiero di Sundio