Skribomashino

Mekanikala skribomashini, modelo *Underwood Five*, esis longatempe uzita da guvernerial agenterii, jurnalo-redakterii e kontori.

Skribomashino esas mekanikal od elektromekanikal aparato por skribar literi per mashino. Skrib-mashino havas klavaro, paper-inserteyo, (kauchuka) cilindro-veturo kun turnilo cirkum qua la papero esas duktata, manivelo por riduktar la cilindro-veturo a la komenco di la papero por durar o komencar frazo. Per presar klavo, litero-marteleto frapesas kontre inkizita rubando avan la papero, qua lasas imprimuro de ta litero sur papero.

Komence diversa fabrikanti uzis lia propra klav-ordino. Pro ke dum skribar tro rapide la literi fixeskis o klemesis, l'Usano Christopher Sholes pensis pri adaptita klav-ordino. Il pozis la literi uzita maxim freque ye diversa lateri di la klavaro, tale ke la marteleti ne nodeskis. Ca klav-ordino nomesas QWERTY-klavaro. Nacionala variaji kun kelke altra ordino esas AZERTY (Franca, A e Q kambiis plaso, W e Z kambiis plaso) e QWERTZ (Germana, Z e Y kambiis plaso)