Fyllimengi

Fyllimengi á við tiltekið mengi A og er mengi þeirra staka í grunnmenginu, sem ekki eru stök í A, táknað með A ^C eða A'. M.ö.o. má skilgreina fyllimengi sem mismengi grunnmengis og gefins mengis.

Sé A mengi, þá er ${\displaystyle A^{\mathrm {C} }=\{x\in U:x\notin A\}}$, þar sem að U er grunnmengi.

Stundum er fyllimengi táknað með yfirstrikun, ${\displaystyle {\bar {A}}}$, en sá ritháttur stangast á við ritháttinn fyrir lokun mengis. Af þeim sökum hefur táknunin A^C orðið vinsælli, en C-ið táknar enska orðið complement.