Asin

Asin (kadhangkala dipocapaké masin) iku rasa kaya rasaning uyah. Rasa iki wigati banget tumrap masakan. Masakan Indonésia mligi ing tlatah pasisir luwih dominan krasa asin tinimbang rasa legi. Rasa asin bisa dicampur karo rasa liyané kaya ta rasa legi, kecut utawa pedhes kaya déné nalika gawé sambel.

Bahan panganan tinamtu biyasa diawètaké nganggo uyah, tuladhané iwak asin lan endhog asin. Sawisé diprosès sawatara dina bahan panganan mau dadi awèt lan bisa disimpen suwé tanpa diadhemaké. Sawetara bumbu masakan uga duwé rasa asin kaya déné kécap asin.

Banyu sagara iku krasa asin amarga akèh ngandhut uyah, amarga saka iku ora bisa diombé sbab bisa njalari rasa ngelak. Supaya bisa diombé banyu sagara mau kudu diprosès luwih dhisik.