Back Goewerneur Afrikaans حاكم الدولة Arabic حاكم ARZ Gobernador AST Qubernator Azerbaijani Gobernador BCL Губернатар Byelorussian Губэрнатар BE-X-OLD Губернатор Bulgarian राज्यपाल Bihari
Gubernur, sajeroning kontèks Otonomi Laladan ing Indonésia, ya iku Kepala Laladan ing tingkat Provinsi. Gubernur duwé tugas lan wewenang mimpin panyelenggaraan dhaéerah miturut kawicaksanan sing ditetepkan bebarengan karo DPRD. Gubernur dipilih kanthi pasangan kanthi langsung déning rakyat ing Provinsi mau; saéngga Gubernur duwé tanggung jawab marang rakyat.
Sajabané minangka Kepala Laladan, gubernur uga duwé kalungguhan minangka wakil pamaréntah ing wewengkon provinsi mau; saéngga sajeroning bab iki Gubernur duwé tanggung jawab marang Presidhén. Gubernur dudu atasané Bupati utawa Walikutha, nanging mung sawates mbina, ngawasi, lan koordinasi panyelenggaraan papréntahan laladan kabupatèn/kutha
Tembung "Gubernur" bisa asal saka basa Portugis "governador", basa Spanyol "gobernador" utawa basa Walanda "gouverneur". Wangun Walanda iki mèmper karo wangun basa Prancis sing makna harafiahé "pemimpin", "panguwasa", utawa "sing mréntah".
Gubernur dudu kapanjangan tangan saka Pamaréntah Pusat, nanging minangka pamimpin independen saka Provinsi sing dipilih langsung déning rakyat Provinsi liwat Pamilihan Kepala Laladan utawa PILKADA. Gubernur duwé tanggung jawab langsung marang Dhéwan Perwakilan Laladan Provinsi.