Back Augustinus van Hippo Afrikaans Augustinus von Hippo ALS ኦግስቲን Amharic Sant Agostín d'Hipona AN أوغسطينوس Arabic أوغسطينوس ARZ Agustín d'Hipona AST Avqustin Avreli Azerbaijani آقوستین AZB Аврелий Августин Bashkir

Augustinus Hipponensis

Wikidata Augustinus Hipponensis
Res apud Vicidata repertae:
Augustinus Hipponensis: imago
Augustinus Hipponensis: imago
Nativitas: 13 Novembris 354; Thagaste
Obitus: 28 Augusti 430; Hippo Regius
Patria: Roma antiqua

Familia

Genitores: Patricius; Monica
Coniunx: no value
Proles: Adeodatus

Memoria

Sepultura: San Pietro in Ciel d'Oro
Sanctus (feriae die 28 Augusti, 15 Iunii)
Sanctus Augustinus

Episcopus et Doctor Ecclesiae Catholicae
Natus 13 Novembris 354
Tagastae (Algeria)
Mortuus 28 Augusti 430
Hippone Regio
Attributa puer; turtur; graphium; concha: cor inflammatum sagittaque transfixum
Patronus braciatores, typographi, lippus, theologi
Index Sanctorum
Sepulcrum Augustini, in basilica Sancti Petri in caelo aureo Ticini situm.
Antiquissima Augustini imago saeculo sexto picta (in Archibasilica Sanctissimi Salvatoris).
"Tolle, lege!" (Benotius Gozzoli: pictura saeculi decimi quinti conversionem Augustini demonstrans; in Ecclesia Sancti Augustini ad Fanum Sancti Geminiani).
Baptisma Santi Augustini (Benotius Gozzoli: in Ecclesia Sancti Augustini ad Fanum Sancti Geminiani).
"Confessiones" in lingua Latina; Venetiis 1752.

Aurelius Augustinus Hipponensis[1] (natus die 13 Novembris 354, mortuus die 28 Augusti 430), etiam Sanctus vel Beatus Augustinus[2] appellatus, fuit episcopus, philosophus Latinus et theologus ex Africa Romana, nunc Doctor Ecclesiae a multis habitus. Primo rhetor fuit Tagastae municipio Africae, tum Karthagine, Romae, Mediolani. Ibi sermonibus Ambrosii episcopi Mediolanensis commotus anno 387 baptizatus est; ab anno 395 usque ad mortem anno 430 fuit episcopus Hipponensis (loco hodiernae Annaba urbis Algeriae).

Augustinus plurima scripta conscripsit, quae magna ex parte exstant et magni momenti in progressu Christianitatis Occidentalis fuerunt.[3] Fides Christiana Augustino est fundamentum intellectus ("crede, ut intelligas"). Opus Confessiones nominatum inter scripta autobiographica maximi momenti omnium saeculorum numeratur. Elementa ex philosophia Platonica sumpta Augustinus sensu Christiano interpretatur. Prima Augustini vita a Possidio Calamensi conscripta est, qui eum, quippe cum discipulus esset, bene novit.

Fuit summus ex Patribus Latinis et inter summos omnium saeculorum, cuius auctoritas tum in Christianitatem mediaevalem Occidentis dominata est, ubi unus ex quattuor doctoribus ecclesiae habebatur, tum potentissimum, praeter Biblia ipsa, impulsum Reformationi praebuit, quocirca hodiernis et Catholicis et Protestantibus maius subsidium manet. In ecclesiis Orthodoxis autem diu paene ignotus permanebat. Cum doctrina eius saeculo decimo quarto versionibus Graecis etiam Constantinopoli innotuit, accepta non est nisi quod ex ea cum aliis patribus ecclesiasticis commune fuit. Maximus pessimista naturae humanae fuit, quia ipse dixit: "Nemo habet de suo, nisi mendacium et peccatum" (Evangelio secundum Ioannem 5.1). Hic pessimismus non totus in regula fidei Ecclesiae Catholicae servabatur.

  1. ↑ Nomen Aurelius est paene nullius momenti, tantum civitatem Romanam significans (vide Salway 1994: 124–145).
  2. ↑ "Blessed Augustine of Hippo: His Place in the Orthodox Church: A Corrective Compilation". Orthodox Tradition XIV (4): 33–35 .
  3. ↑ Augustinus intra fere 45 annos plus quam 100 opera, 218 litteras et 500 sermones perfecit. Zentrum für Augustinusforschung Herbipoli.

Developed by StudentB