Back Spaans-Amerikaanse Oorlog Afrikaans الحرب الأمريكية الإسبانية Arabic الحرب الاسبانيه الامريكيه ARZ Guerra d'España y Estaos Xuníos AST İspan–ABŞ müharibəsi Azerbaijani ایسپانیا-آمریکا ساواشی AZB Іспана-амерыканская вайна Byelorussian Испанско-американска война Bulgarian Brezel 1898 etre Spagn hag ar Stadoù-Unanet Breton Guerra hispano-estatunidenca Catalan

Bellum Hispano-Americanum

Adumbratio satirica Hispanica in La Campana de Gràcia prolata (1896), facta "Oncle Sam" (Civitatum Foederatarum) erga Cubam reprehendit. Verba infra imaginem: "Keep the island so it won't get lost."

Bellum Hispano-Americanum (Hispanice Guerra hispano-estadounidense) fuit pugna ab Hispania et Civitatibus Foederatisanno 1898 decertata, exitus interventus Americani in Bello Libertate Cubano. Impetus Americani in Pacificas possessiones Hispanicas Civitates Foederatas in Rebus Novis Philippinicis et ad ultimum ad Bellum Philippino-Americanum implicaverunt.[1]

Navis Maine in portu Havanae submersa.
Seneca, navis vecturae Americana, navis conducta quae copias ad Portum Divitem et Cubam transvexit.

Rebelliones contra regimen Hispanicum nonnullos annos in Cuba factae erant. Ante bellum rite conflatum, rumores belli pervagati erant, ut in Re Virginia anno 1873. Decennio autem 190 exeunte, opinio Americana per propaganda anti-Hispanica a Iosepho Pulitzer, Gulielmo Randolph Hearst, et aliis scriptoribus actorum moto agitabatur, quae per flavam diurnariorum artem Hispanicam Cubanae administrationem reprehenderunt. Post Maine ('Cenomannicam'), navem proelii Americanam in Portu Havanae arcane depressam, stimuli civici ex Factione Democratica et certis industrialistis administrationem Gulielmi McKinley, praesidis Republicani, in bellum quod evitare volebat impulerunt.[2] Compromissum, ab Hispania petitum a Civitatibus Foederatis reiectum est, quae propositionem ultimam, dicionem Cubae deditam flagitantem, Hispaniae miserant. Primum Matritum, tum Vasingtonia bellum denuntiavit.[3]

Proelium Sinus Manilensis.

Principalis res fuit libertas Cubana, sed bellum, quod decem tantum hebdomades duravit, in Caribico et Oceano Pacifico etiam certatum est. Maritima Civitatum Foederatarum potestas certa fuit, sinens ut expeditionariae Civitatum Foederatarum copiae e nave in Cubam exirent contra praesidium iam ob impetus rebelles Cubanos per civitatem claudicatum et a febre flava debilitatum.[4] Copiae Civitatum Foederatarum, exercitu plus valentes, cum sociis Cubanis et Philippinis, fecerunt ut Sanctus Iacobus Cubanus et Manila se dederent, contra fortitudinem nonnullarum peditatus Hispanici unitatum et ferocem locorum sicut Collis Sancti Ioannis defensionem (Pérez 1998:89).[5] Duabus classibus obsoletis Hispanicis in Proelio Sancti Iacobi Cubae et Proelio Sinus Manilensis depressis, et classi tertia et recentiori ad Europam ad protegenda litora Hispanica revocata, Matritum pacem petivit.[6]

Theatrum Pacificum Belli Hispano-Americani.
Cristóbal Colón, navis generis armored cruiser, quae per Proelium Sanctiacobi Cubae die 3 Iulii 1898 interiit.
"Charge of the 24th and 25th Colored Infantry and Rescue of Rough Riders at San Juan Hill, July 2, 1898" Proelium Collis Sancti Ioannis depingit.

Exitus fuit Foedus Lutetiense (1898), Civitatibus Foederatis prosperrimum, per quod Hispania potestatem et dicionem Americanam in Cubam sivit, atque imperium continuum coloniale in Portum Divitem, Guamam, et Philippinas concessit.[7] Clades et ruina Imperii Hispanici nationalem Hispaniae animum penitus percussit, perfectamque instigavit investigationem philosophicam et artisticam societatis Hispanicae, Aetas '98 appellatae. Civitates Foederatae vicissim nonnullas possessiones insulares per orbem terrarum distributas, atque amaram de sapientia expansionismi disceptationem adeptae sunt.[8] Bellum quinquaginta duos annos coepit post Bellum Mexicanum coeperat, et unum manet ex quinque bellis Americanis quae a Congressu rite declarata sunt.

Nexus interni

  1. ↑ Nonnulli historici recentiores latius malunt nomen ad amplectendam pugnam in Cuba et Insulis Philippinis. Exempla: Beede 1994; Bouvier 2001; Pérez 1998; Schoonover 2005.
  2. ↑ Beede 1994:148.
  3. ↑ Beede 1994:120.
  4. ↑ "In the larger view, the Cuban insurrection had already brought the Spanish army to the brink of defeat. During three years of relentless war, the Cubans had destroyed railroad lines, bridges, and roads and paralyzed telegraph communications, making it all but impossible for the Spanish army to move across the island and between provinces. [The] Cubans had, moreover, inflicted countless thousands of casualties on Spanish soldiers and effectively driven Spanish units into beleaguered defensive concentrations in the cities, there to suffer the further debilitating effects of illness and hunger."
  5. ↑ Military Book Reviews, www.strategypage.com.
  6. ↑ Dyal 1996:108–109.
  7. ↑ The World of 1898: The Spanish–American War
  8. ↑ George C. Herring, From Colony to Superpower: U.S. Foreign relations since 1776 (2008), capitulum 8.

Developed by StudentB