Back Chemie Afrikaans Chemie ALS የጥንተ ንጥር ጥናት Amharic Quimica AN रसायनशास्त्र ANP كيمياء Arabic ܟܝܡܝܐ ARC شيمي ARY كيميا ARZ ৰসায়ন বিজ্ঞান Assamese

Chemia

Lagoenae liquores chemicos continentes.

Chemia[1] (-ae, f.), sive chymia[1] seu chimia,[1] est scientificum proprietatum morumque materiae studium,[2] una e scientiis naturalibus, multas in disciplinas divisa, quae elementa materiae compositionum chemicarum tractat quae in atomis, moleculis, et iontis consistunt, praecipue earum compositionem, structuram, proprietates, mores, et mutationes quae per reactiones chemicas cum aliis substantiis patiuntur.[3][4][5][6]

Vinculum chemicum, quod atomos commitit, est principalis chemiae notio, qua omnes res chemicae explicantur. Cum physica commutationem statuum physicorum materiae describit, tum chemia commutationem chemicam ad vincula chemica formanda rumpendaque refert.

Omnes materiae antiquitus putabantur ex elementis quattuor provenire, nempe ex igne, terra, aqua, aëre. Eruditi aetatis antiquae investigabant, quo modo elementa solvi et coagulari possent, ut novae substantiae medicinaeque crearentur. Investigationes chemicae ab Arabibus medio aevo continuabantur, quorum disciplina alchemia appellabatur. Chemia hodierna ex alchemia medii aevi orta est.

Hodie scimus materiam ex elementis fere 114 provenire, inter quae hydrogenium, helium, lithium, carbonium, oxygenium, aurum, plumbum, et alia elementa omnibus notissima. Systema periodicum omnium elementorum ordo est. In hoc systemate, nomina elementorum chemicorum saepe e lingua Latina derivata sunt.

  1. ↑ 1.0 1.1 1.2 Castelli, B. & Bruno, J.P (1713). Lexicon medicum Graeco-Latinum. Leipzig: F. Thomas
  2. ↑ Brown, Theodore L.; LeMay, Jr., H. Eugene; Bursten, Bruce E.; Murphey, Catherine J.; Woodward, Patrick M.; Stoltzfus, Matthew W.; Lufaso, Michael W. (2018). "Introduction: Matter, energy, and measurement". Chemistry: The Central Science (quarto decimo ed.). Novi Eboraci: Pearson. pp. 46–85. ISBN 9780134414232 .
  3. ↑ "What is Chemistry?". Chemweb.ucc.ie .
  4. ↑ Definition of CHEMISTRY. . www.merriam-webster.com .
  5. ↑ Definition of chemistry | Dictionary.com. . www.dictionary.com .
  6. ↑ Chemistry Is Everywhere. . American Chemical Society .

Developed by StudentB