Back Kolonialisme Afrikaans Kolonialismus ALS Colonialismo AN استعمارية Arabic استعمار ARZ Colonialismu AST Kolonializm Azerbaijani ایستعمار AZB Колониализм Bashkir Kuoluonēlėzmos BAT-SMG

Colonialismus

Galea medullosa (hic Imperii Francici Alterius) est egregium colonialismi signum.

Colonialismus[1] est exstructio conservatioque coloniarum in terra ab hominibus externis,[2] ratio qua maiestas coloniae a capite vel metropole vindicatur, dum coloniae structura socialis, administratio, oeconomia, capitale, mercatus et cultura a colonis, hominibus ex metropole, mutantur. Colonialismus ergo est copia coniunctionum imparum: inter metropolem et coloniam, et adeo inter colonos et indigenas.

Notio colonialismi usitate ad aevum historicum a saeculo quinto decimo ad saeculum vicensimum spectat, cum Europaei colonias in aliis continentibus deducerent. Causae huius colonialismi eo tempore erant facere lucrum, usurpationem vel usuram; augere potestatem metropolis; effugere vexationem in metropole; convertere indigenas ad colonorum modum vivendi, religionem, culturam, res politicas, technologiam.

Nonnulli coloni se, Christianitate civilizationeque adlatis, indigenas adiuvare crediderunt; veritas autem saepe fuit dominatio, deportatio, vel mors.[3] Colonia imperii plerumque parte, colonialismus cum imperialismo et mercantilismo arte conectus est.

  1. ↑ Fons nominis Latini desideratur (addito fonte, hanc formulam remove)
  2. ↑ "Colonialism," Stanford Encyclopedia of Philosophy, Colonialism (Stanford Encyclopedia of Philosophy) apud plato.stanford.edu.
  3. ↑ Smallpox: Eradicating the Scourge, BBC History, BBC - History - Smallpox: Eradicating the Scourge apud www.bbc.co.uk.

Developed by StudentB