Back Drah kimia ACE Chemiese element Afrikaans Chemisches Element ALS ንጥረ ነገር Amharic Elemento quimico AN Hēafodgesceaft ANG रासायनिक तत्त्व ANP عنصر كيميائي Arabic عنصر كيماوي ARY عنصر كيماوى ARZ
Elementum chemicum (-i, n.) speciem atomorum significat, habentem eundem numerum protonum in nucleo. Cum definitio nihil dicat de neutronibus in nucleum atomi cuiusdam elementi, notio elementum chemicum ad omnia isotopia illius elementi pertinet. Omnis materia est vel elementum, vel compositum, vel mixtura: si unam tantum speciem atomorum continet, est elementum; si plures species atomorum in moleculas se coniunguntur, est compositum; si denique atomi non moleculas formant sed iuxta se sedent, ut in structura crystallina vel in congeries sine structura, est mixtura. Exempli gratia, adamas est elementum, quod est carbonium sine aliis atomis. Aqua est compositum, cuius formula est H2O: id est, molecula aquae duos atomos hydrogeni, unum oxygeni continet.
Meritum conspicuum ad eruditum Demetrium Mendeleev pertinet, qui legem periodi elementorum chemicorum invenit ipsamque imagine descripsit multiplici; quae perfecte mutuas relationes inter omnes species atomorum depingit, atque systema periodicum nunc appellatur.