Ferdinandus Marcos iunior

Ferdinandus Marcos iunior, Anglice plene Ferdinand Romualdez Marcos Jr., saepe Bongbong nuncupatus (Manilae in urbe die 13 Septembris 1957 natus) est politicus Philippinarum.

Filius fuit Ferdinandi et Imeldae Marcos, patre eo tempore legato camerae repraesentantium sed praeside futuro. In Anglia partim educatus est. Apud Aulam Sancti Edmundi Oxoniensium, taliter apud scholam commercialem universitatis Pennsylvaniensis matriculavit, sed sine lauris decessit. Gubernator vicarius provinciae Ilocanae Borealis ab anno 1980, gubernator ab 1983 ad 1986 et ab 1988 usque in 1997 meruit, antecessore amita sua, successore germano suo Michaële Marcos Keon. Legatus est camerae repraesentantium Philippinensi pro circulo Ilocanae Borealis ab anno 1992 usque in 1995, iterum ab 2007 in 2010; deinde senator usque in 2016 meruit. Praeses Philippinarum denuo electus, die 30 Iunii 2022 inauguratus est.