Gongwangling
Situs Gongwangling in Serica
Gongwangling seu litteris Sinicis 东谷坨, in comitatu Lantian provinciae Shaanxiensis Sericae, a metropoli Xian fere 50 chm. orienti versus distans, est locus palaeontologicus ubi reperta sunt vestigia generis Hominis aevi Acheulii animaliumque eodem aevo viventium. Reliquia humana subspeciei Homini erecto lantianensi attribuuntur.
Utensilia silicea anni circiter 2 120 000 a.p. aevi Oldowayi, prope Gongwangling reperta in loco nomine Shangchen, litteris Sinicis 尚晨, frequentationem homininorum generis Hominis aut Australopitheci indicant. Haec sunt vestigiorum Hominidarum usque hodie in Asia cognitorum antiquissima.