Back Ifigenia entre els taures Catalan Ífigenie v Tauridě Czech Ifigenia i Tauris Danish Ιφιγένεια εν Ταύροις Greek Iphigenia in Tauris English Ifigenia entre los tauros Spanish Ifigeneia taurien mailla Finnish Iphigénie en Tauride (Euripide) French איפיגניה בטאוריס HE Ifigeneia í Táris Icelandic

Iphigenia in Tauris

Vide etiam paginam discretivam: Iphigenia (discretiva).
Iphigenia cum Oreste et Pylade captivis a Iosepho Strutt picta

Iphigenia in Tauris (Graece Ἰφιγένεια ἐν Ταύροις) est tragoedia quam Euripides circa annum 414 a.C.n.[1] docuit. Ultima tragoedia sua (Iphigenia Aulidensis) poeta Iphigeniae personam iterum in scaenam inducet, tempore quo adhuc vitam apud parentes agebat. Etsi dirum fatum Atridarum nonnumquam memoratur, actio huius fabulae criticis parum tragica visa est, dramatica potius vel mythistoria digna. Etenim ut Helena et Ion et Andromeda, quae circa idem tempus scriptae sunt, Iphigenia in Tauris inter fabulas Euripideas numeratur quas critici ob multas et subitas Fortunae commutationes atque faustum exitum 'dramata mythistorica' appellare solent.

  1. ↑ Sic vulgo. Aliam opinionem apud Mathieu (1941) inveneris.

Developed by StudentB