Back Éseulam ACE Ислъам ADY Islam Afrikaans Islam ALS እስልምና Amharic Islam AN Alladōm ANG Isilam ANN इस्लाम ANP الإسلام Arabic

Religio Islamica

Religio Islamica,[1] vel Islamus[2][3] aut in Arabico sermone al-Islām (litteris Arabicis الإسلام: IPA praecipue [ʔɪsˈlæːm] et [ʔiˈslaːm][4]), est religio monotheistica, abs Alcorano libro sacro articulata et a fidelibus verbum Dei (Arabice الله, Allāh[5]) ad verbum habita, secundum doctrinas ordinariumque exemplum (Sunnah appellatum, ex hadit compositum) Mahometi, ultimi prophetae Dei. Adsectatores religionis Islamicae appellantur Musulmani.

Religio Islamica saeculo septimo ineunte in Arabia a Mahometo propheta condita est. Cum fere 1.8 milliardis fidelium[6] post Christianam (cum fere 2.2 milliardis)[7] hodie in orbe terrarum numero fidelium secunda est religio. Decem civitates, quibus est maxima omnium Musulmanorum pars, sunt Indonesia (12.9%), Pakistania (11.1%), India (10.3%), Bangladesha (9.3%), Aegyptus et Nigeria (utraque 5%), Irania et Turcia (utraque 4.7%), Algeria (2.2%) et Marocum (fere 2%). In his civitatibus plus quam duae partes omnium Musulmanorum vivunt.[8]

Duo sunt fundamenta litteraria religionis Islamicae: primum Alcoranus, qui verbum Dei Mahometo revelatum habetur; secundum narrationes (Hadit) de vitae moribus (Sunnah) Mahometi, cuius in mores velut "legati Dei" ac exempli se Musulmani formare debent. Omnes ex his litteris sumptae regulae ius Islamicum (شريعة saria) efficiunt.

Stella et cornua lunae (Hilal), unum e signis Islamicis maximi momenti.
Caba Meccae Arabiae, hic nocte visum, est sedes religionis Islamicae, ubi Musulmani inter se ex omne orbe terrarum ad orandum congrediuntur.
Civitates, quarum Islamica incolarum pars 5 centesimas transcendit. Viride: Sunnitae, rubrum: Siitae, caeruleum: Ibaditae (Omania).

Musulmani credunt Deum esse unum et incomparabilem, et propositum vitae humanae esse hunc deitatem venerari.[9] Verbum quidem Islam significat 'mentis et spiritús deditionem' ad hoc numen,[10] vel 'submissio' (erga id). Ei etiam credunt Islamum esse absolutam et universam primordialis fidei patefactionem, quae multis temporibus locisque a nuntiis Dei revelata est, inter eos Abraham, Moyses, et Iesus, quos ei habent prophetas.[11] Tradunt priores nuntios et patefactiones partim mutatas vel corruptas fuisse,[12] sed Alcoranum enimvero esse integram et ultimam Dei patefactionem.[13] Inter notiones moresque Musulmanorum religiosos sunt Quinque columnae Islamicae, quae pro fundamentalibus venerationis notionibus usibusque necessariis sunt, et lex Islamica (Saria), quae paene omnem vitae societatisque aspectum tangit, consilium in rebus multiplicibus suppeditans, ab aerario et salute, ad militiam et circumiectum.[14][15]

  1. ↑ "Tahir ul-Qadri, a fontibus Islamicae Religionis hauriens, ausus est": Ephemeris (2010).
  2. ↑ Ludovicus Gulielmus Christianus van den Berg, De contractu "do ut des" iure Mohammedano, Lugduni Batavorum, anno 1868 (pag. 14 apud Google Books); Ṭabari, M. J. de Goeje et Arib ibn Sad al-Qurṭubi, Tarikh al-rusul wa al-muluk, tomus 14, anno 1965 (pag. CDXXIII apud Google Books); Ern. Frid. Car. Rosenmüller, Analecta Arabica: Institutiones iuris Mohammedani circa bellum contra eos qui ab Islamo sunt alieni, Lipsiae, anno 1825 (pag. 13 apud Google Books).
  3. ↑ Islamismus quoque nonnumquam religionem Islamicam designat, sed cave hodie verbo Islamismus generaliter doctrina intellegitur, quae religionem Islamicam etiam legem ad rem publicam gerendam esse arbitratur.
  4. ↑ Vox Arabica regione variatur. Prima littera vocalis ab [i] per [ɪ] ad [e], et altera littera vocalis a [æ] per [a] et [ä] ad [ɛ] commutatur. In nonnullis regionibus geographicis, sicut Africa boreoccidentali, linguae momento carent.
  5. ↑ Deus saepe ab Musulmanis appellatur Allāh, qui origine fuit forma brevis pro al 'ilāh 'ille deus', quod Arabicum al- est articulum definitivum sicut Graecum ὁ ho et Germanicum der et Anglicum the.
  6. ↑ Muslims in: Pew-Templeton Project, die 12 Martii 2015.
  7. ↑ Christians in: Pew-Templeton Project, die 12 Martii 2015.
  8. ↑ Mapping the global Muslim population, Pew Resarch Center 2009.
  9. ↑ Vide: Alcoranus 51:56. "God". Islam: Empire of Faith. Public Broadcasting Service .
  10. ↑ "USC-MSA Compendium of Muslim Texts". Usc.edu .
  11. ↑ "People of the Book". Islam: Empire of Faith. Public Broadcasting Service .
  12. ↑ Accad (2003), Ibn Taymiya, quamquam nonnulli Musulmani textualem omnis Bibliorum veritatem, permulti Musulmani veritatem plurimi verborum accipiunt. Esposito (1998:6,12. Esposito 2002b:4–5. Peters 2003:9. F, Buhl, et A T. Welch, "Muhammad," Encyclopaedia of Islam Online. Hava Lazarus-Yafeh, "Tahrif," Encyclopaedia of Islam Online.
  13. ↑ Bennett 2010:101.
  14. ↑ Esposito 2002b:17.
  15. ↑ Esposito 2002b:111, 112, 118. "Shari'ah," Encyclopædia Britannica Online.

Developed by StudentB