Textus (ratio litteraria)

Textus in ratione litteraria est ulla res quae legi potest, si haec res opus litterarium, signum viarium, ordo aedificiorum in quadrato urbano, vel modus vestimenti sit. Quae est cohaerens signorum copia, certum nuntium transmittens.^[1] Haec copia signorum solum de rebus contentis nuntiorum informativorum consideratur, non de forma physica vel medio in quo repraesentatur. Vocabulum textus in disciplina iudicii litterarii res contentas certi exempli scribendi quoque attingit; hoc est, textus operis est primus litterarum ordo symbolicus ut primum compositus est, praeter mutationes, damna, commentarii, translationes, et paratextus posteriores. Ergo, cum iudicium litterarium textum determinandum tractat, distinctio primarum rerum contentarum a quibuscumque additis ad aut detractis ab illis rebus contentis petit ut in instrumento textuali dato apparet (hoc est corporea textus repraesentatio). Quia historia scribendi notioni textus aetate antecedit, plurimi textus hac notione in animo non scripti sunt. Plurima opera scripta in angustum generum a ratione textuali descriptorum spatium cadunt. Notio textus ad rem attinet cum nuntius scriptus conficitur et attingi debet praeter tempora in quibus creatus est.