Back Van Afrikaans اسم العائلة Arabic Icinikasowin ATJ Soyad Azerbaijani سویآد AZB Фамилия Bashkir Pavardie BAT-SMG Apelyido BCL Прозвішча Byelorussian Прозьвішча BE-X-OLD
Familljennimm sinn no an no zanter dem 14. Joerhonnert an de Stied entstanen. Hir Funktioun war ufanks, Leit mam selwechte Virnumm auserneenzehalen, an och de genealogeschen Zesummenhank tëscht Persoune gouf sou méi kloer. An de Joerhonnerte duerno huet hire Gebrauch sech lues a lues verallgemengert, mä nach laang net iwwerall, an den Ënnerscheed zu engem Hausnumm oder enger Beruffsbezeechnung war net ëmmer kloer. Bis an der Mëtt vum 18. Joerhonnert gouf et nach Fäll zu Lëtzebuerg (wann och éischter ausnamsweis), wou vu 5 Kanner vun enger Koppel der zwee no der Mamm genannt goufen, eent nom Papp an 2 nom alen Hausnumm.[2]