Istanbul

Dëse Geographiesartikel iwwer d'Tierkei ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Istanbul
Basisdaten
Provënz:	Istanbul
Geographesch Lag:	41° 00’ 36’’ N       28° 57’ 37’’ O
Héicht:	40 m
Fläch:	1.538,77 km²
Awunner:	9.797.536 (2005)
Bevëlkerungsdicht:	6.367 Awunner/km²
Telefonvirwalen:	0212 (europäeschen Deel) 0216 (asiateschen Deel)
Autos-Kennzeechen:	34
Stadglidderung:	39 Bezierker
Offiziell Websäit:	www.ibb.gov.tr
E-Mail-Adress:	[email protected]
Politik
Buergermeeschter	Ekrem İmamoğlu

Istanbul (tierkesch İstanbul), dat aalt Konstantinopel, ass déi gréisst Stad an der Tierkei a gouf ënner dem Numm Byzantion gegrënnt. Déi eigentlech Stad huet 9.797.536 Awunner, an der ganzer Agglomeratioun liewen 11.588.545 Mënschen (Stand jeeweils op den 1. Januar 2005).

Si läit souwuel op der europäescher wéi och op der asiatescher Säit un den Uwänner vum Bosporus an ass dofir déi eenzeg Metropol, déi sech iwwer zwéi Kontinenter erstreckt. Mat hirer bal dräidausendjäreger Geschicht ass s'eng vun den eelste Stied, déi haut nach op der Welt bestinn. Istanbul ass de Kultur- a Wirtschaftszentrum vun der Tierkei. Traditiounsgeméiss ass Istanbul de Sëtz vum Patriarch vu Konstantinopel, deen als Chef vun der ganzer Orthodoxie unerkannt ass. D'Stad ass Sëtz vum Äerzbëschof vun der tierkesch-orthodoxer Reliounsgemeinschaft, vum armeeneschen Äerzbëschof a vum tierkeschen Oberrabbiner.