Andes

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

De Andes (vóloet: La Cordillera de los Andres) is 'n lang rie aan hoeag berg langs de wèstelike kus van Zuud-Amerika. De berg zeen óngevieër 7000 km lank, op sómmige plaatse 160 km breid en höbben 'n gemiddeldje huuegdje van róndje 4000 maeter. De berg loupe veur 't grótste deil parallel ane kus vanne Groeaten Oceaan. 't Hoogste puntj is de berg Aconcagua mit 6959 maeter.

De Andes ligk in zeve Zuud-Amerikaanse lenj: Argentinië, Chili, Bolivië, Peru, Ecuador, Colombië en Venezuela. De Andres doorkruuts d'n aevener en löp zuudwers toet 't Vuurlandj. De Scotiarögk, mit ónger anger Zuud-Georgië enne Zudelike Sandwicheilenj, is 'n groeatendeils óngere zieë gelaenge veurtzètting van dees berg. Deze rögk verbindj de Andes mit 'ne groeate baog mit 't Antarctisch Sjiereilandj op Antarctica.