Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Binnestad is de mies centraal wiek vaan 't centrum vaan Mestreech. De wiek weurt begrens door de Maos, 't Jekerkerteer, 't Boschstraotkerteer, 't Statekerteer en 't Kommelkerteer.
't Groetste deil vaan 't winkelcentrum vaan Mestreech ligk in dees wiek, zoewie de Groete Staat, de Kleine Staat en de Wolfstraot mèt bekinde winkelketens, meh ouch de Stekstraot en de Mestreechter Brögkstraot mèt mier luxueus winkels. Wijer vint me dao ouch 't oetgaankcentrum vaan de Platielstraot en netuurlek de Vriethof.
Bezeensweerdighede zien 'rs genóg, zoewie de Sintervaosbasiliek.
't Veurmalig gotisch kruushierekloester aan de Kómmel, oet de 15e iew, is allewijl 'n 5-sterre-hotel.
Veurheer woort dees wiek City of kernwinkelgebeed genump. Umtot me dit neet voont passe bij 'n historische stad wie Mestreech, heet 't College van B&W op 13 februari 2007 't advies vaan de Straotnaomecommissie euvergenome um euver te goon tot verandering. Wat vreuger mèt Binnestad woort aongegeve hèt noe Centrum (dit gebeed umvat de Binnestad (veurheen dus City), 't Jekerkerteer, 't Kommelkerteer, 't Statekerteer, 't Boschstraotkerteer, Sint Maartenspoort en Wiek).
| |
|---|---|
| Stad: Mestreech | |
| Veurmaolege dörper: Amie · Hare · Hier · Heugem · Ittere · Lummel · Sjaan · Sint Pieter · Wiek · Wolder | |
| Buurtsjappe en stadswieke: Aajd Kaberg · Annadal · Beatrixhave · Belfort · Belvédère · Biesland · Binnestad · Boschpoort · Bosscherveld · Boschstraotkerteer · Brusselse Poort · Campagne · Daalhof · De Heeg · De Karosseer · De Ravelijn · De Vogelzaank · De Zjeramiek · Dousberg-Haozendans · Eyldergaard · Fróntekerteer · Geusseltpark · Heugemerveld · Hoeve Nekum · Jekerdal · Jekerkerteer · Kaberg · Kestiel Neercanne · Kommelkerteer · Laonekerveld · Malberg · Malpertuis · Mariaberg · Mariënwaard · Meerssenhoven · Nazareth · Potteberg · Randwiek · Sint Maartenspoort · Statekerteer · Villapark · Vroendaal · Wiekerpoort · 't Wittevrouweveld | |