Istanbul

41°01′N 28°58′E / 41.017°N 28.967°E / 41.017; 28.967

Istanbul (amin'ny fiteny tiorka: İstanbul) dia renivohitra ara-toe-karen' i Torkia izay eo amin'ny lafy eorôpeanin' i Torkia. Istanbul no tanàna eorôpeanina lehibe indrindra amin' ny lafiny isa-mponina ary tanàna fahatelo lehibe indrindra amin' ny lafin' ny velarantany. Io tanàna io no renivohitry ny Empira Ôtômana hatramin' ny taona 1923. Ny anarana nentin' io tanàna io tamin' ny Andro Taloha dia na Bizantioma (latina: Byzantium) na Kônstantinôpla na Kônstantinôpôlisy (grika: Κωνσταντινούπολις / Konstantinoúpolis).

Amin' ny maha seranana an-dranomasina azy dia ivon-toeram-pifanakalozan' i Torkia i Istanbul.

Tany amin' ny taona 660 tal. J.K. no namoronana ny tanànan' i Bizantioma. Ny tanàna fantatra amin' ny anarana hoe Istanbul ankehitriny dia anisan' ny tanàna manan-danja indrindra amin' ny tantaran' i Eorôpa. Nandritra ny 1600 taona nananganana azy ho Kônstantinôpla nanomboka tamin' ny taona 330, dia renivohitry ny Empira Rômana ary ny Empira Bizantina ary ny Empira Ôtômana ilay tanàna.