Agamo Buddha

Agamo Buddha adolah sabuah agamo jo filsafat nan baasa dari anak banua India dan maliputi baragam tradisi kapacayoan, dan praktik nan sabagian gadang badasakan pado ajaran nan bakaitan jo Siddhartha Gautama, nan sacaro umum tanamo sabagai Sang Buddha (baarati “nan alah sadar” dalam bahaso Sanskerta jo Pali). Sang Buddha hiduik jo maaja di bagian timur anak banua India dalam babarapo wakatu antaro abaik ka-6 sampai ka-4 SEU (Sabalun Era Umum). Baliau tanamo dek para umaik Buddha sabagai surang guru nan alah sadar atau tacerahkan nan mambagikan wawasan-Nyo untuak mambantu makhluk hiduik mangakhiri kaindaktahuan/kabodohan (avidyā), kahauihan/napsu randah (taṇhā), jo pandaritoan (dukkha), jo manyadari sabab musabab saliang bagantuangan jo sunyatam dan mancapai Nirvana (Pali: Nibbana).

Satiok aliran Buddha bapaciak arek ka bakeh Tripitaka sabagai rujuakan utamo karano dalamnyo tacataik sabda jo ajaran sang hyang Buddha Gautama. Pangikuik-pangikuiknyo kudian mancataik jo mangklasifikasikan ajarannyo dalam 3 buku iyolah Sutta Piṭaka (khutbah-khutbah Sang Buddha), Vinaya Piṭaka (paraturan atau tata tartib para bhikkhu) jo Abhidhamma Piṭaka (ajaran hukum metafisika jo psikologi).