.
Avro Anson RI-003 adolah sabuah kapa tabang bamasin ganda kaluaan Inggris, nan marupokan kapa tabang katigo nan dipunyoi pamarintah Republik Indonesia. Kapa Avro Anson dibali pado awal bulan Desember 1947, diagiah nomor register RI-003, dan digunokan sabagai sarano angkutan udaro militer maupun sipil.
Upayo pambalian kapa tabang iko dimulai jo dibantuaknyo Panitia Pusek Pangumpua Ameh dek Mohammad Hatta di Bukittinggi pado tanggal 27 September 1947, nan batujuan mangumpuakan sumbangan masyarakaik untuak mambali kapa tabang, dalam rangko malawan tahado Agresi Militer Belanda. Panitio dipimpin dek Mr A Karim, Direktur Bank Negara. Ameh pambarian masyarakaik Sumatera Barat kamudian takumpua sabarek 14 kilo, dan dibalikan kapa tabang Avro Anson di Thailand, punyo Paul H Keegan, warga nagaro Australia dan mantan panabang RAF (Angkatan Udaro Karajaan Inggris). Kapa tabang itu dibaok sandiri dek Keegan ka lapangan udara Gadut, Bukittinggi.[1]
Pado akhir bulan Desember 1947, Komodor Udaro Iswahjoedi dan Komodor Udaro Halim Perdanakusuma manabangkan kapa tabang iko manambuih blokade Belanda untuak manggalang dukuangan dari Singapura dan Siam. Mareka mamuek paralatan parang di Songkhla, Siam, namun kapa tabang tajatuah di Tanjung Hantu, Malaya, dalam perjalanannya manuju Singapura, dan mambunuah saluruah pangamudi kapanyo.[2]
- ↑ http://www.riauonline.co.id/nasional/read/2017/01/23/bukan-aceh-kaum-ibu-minanglah-pertama-kali-beli-pesawat-untuk-indonesia
- ↑ Soewito, Irna Hanny Nastoeti Hadi; Suyono, Nana Nurliana; Suhartono, Soedarini (2008). Awal Kedirgantaraan di Indonesia: Perjuangan AURI 1945-1950. Angkatan Udara Indonesia. Yayasan Obor Indonesia. p. 187. ISBN 9789794616727. https://books.google.co.id/books?id=Se_rDebKtxUC&pg=PA187&dq=Avro+Anson+RI-003&hl=id&sa=X&ved=0ahUKEwjx1fXVwfHUAhUkSo8KHenECQgQuwUIKjAA#v=onepage&q=Avro%20Anson%20RI-003&f=false.