Arbeidarpartiet

For andre tydingar av oppslagsordet, sjå Arbeidarpartiet (fleirtyding).

Arbeidarpartiet
Land	Noreg
Partileiar(ar)	Jonas Gahr Støre
Generalsekretær	Kjersti Stenseng
Grunnlagt	22. august 1887
Hovudkvarter	Oslo
Ungdomsorg.	Arbeidarane si ungdomsfylking
Medlemstal	48 444 (2022)[1]
Ideologi	Sosialdemokrati
Politisk posisjon	sentrum-venstre
Farge	Raud
Slagord	«De store oppgavene løser vi best sammen»
Ordførarar	201 / 428
Kommunestyre- representantar	3 460 / 10 620
Fylkestings- representantar	277 / 777
Stortings- representantar	49 / 169

Arbeidarpartiet (Ap) er eit norsk sosialdemokratisk politisk parti. Det blei stifta i Arendal i 1887 og har vore det største norske politiske partiet ved alle vala sidan 1927. Leiaren for partiet er Jonas Gahr Støre, nestleiar er Hadia Tajik, medan Kjersti Stenseng er partisekretær.

Frå 2005 til 2013 sat Ap i regjering med Senterpartiet og Sosialistisk Venstreparti. Dette var første gongen partiet delte regjeringsmakta med andre parti, bortsett frå åra 1940–1945, under og like etter andre verdskrig. Jens Stoltenberg var partileiar frå 2002 til 2014 og statsminister frå 2005 til 2013.

Ved stortingsvalet i 2017 fekk partiet 27,4 prosent oppslutning. Med ein tilbakegang på 3,5 prosentpoeng frå 2013 og eit tap på seks representantar var dette det nest dårlegaste valresultatet for partiet etter den andre verdskrigen og Arbeidarpartiet gjekk tilbake i alle fylka.

Ungdomsorganisasjonen til partiet heiter Arbeidarane si ungdomsfylking (AUF), med Astrid Hoem som leiar.^[2]

1. ↑ https://www.arbeiderpartiet.no/om/medlemstall.
2. ↑ «Astrid Hoem» (på norsk bokmål). auf.no. Henta 18. mars 2023.